Rossiya bilan aloqasi uchun fuqarolikdan mahrum

Buyuk Britaniyaning sobiq politsiyachisi Mark Bullen Rossiya bilan aloqasi borligi gumonlari tufayli fuqaroligidan mahrum etilgan birinchi Britaniya fuqarosiga aylandi. Bu haqda Sunday Times nashri xabar bermoqda Nashr maʼlumotlariga koʻra, bunday qarorga ichki ishlar vazirligi rahbari Shabana Mahmud milliy xavfsizlik nuqtai nazaridan kelib chiqqan holda kelgan 45 yoshli Bullen Xertfordshir politsiyasida o'n yildan ortiq xizmat qilgan. So‘nggi yillarda u Rossiyada yashab, 2022 yilda Rossiya pasportini olgan. Britaniya Ichki ishlar vazirligi fuqarolikdan mahrum qilish alohida hollarda – masalan, terrorizmda gumon qilinayotgan shaxslarga yoki dushman davlatlar manfaatlariga qaratilgan faoliyatga nisbatan qo‘llanilishini aytdi Nashr maʼlumotlariga koʻra, 2024-yil noyabrida Bullen Luton aeroportida terrorga qarshi kurash xodimlari tomonidan toʻxtatilgan. U xorijiy davlat nomidan “dushmanlik faoliyati”ga aloqadorlikda gumonlanib, to‘rt soat davomida so‘roq qilingan, elektron qurilmalar ham musodara qilingan. Bullenning o‘zi esa u hech qanday noqonuniy harakat qilmaganini ta’kidlaydi The Sunday Times nashrining yozishicha, u politsiyada xizmat qilayotgan vaqtida Rossiya xavfsizlik kuchlari bilan aloqada bo‘lgan va Sankt-Peterburgdagi almashinuv dasturida qatnashgan. Gazetaning yozishicha, uning ijtimoiy tarmoqlarida kremlparast va Ukrainaga qarshi materiallar chop etilgan. Uning o'zi Rossiyaga bo'lgan qiziqishini SSSR tarixiga bo'lgan uzoq yillik ishtiyoqi bilan izohladi va Rossiya fuqaroligini olishni "bir umrlik orzu" deb atadi Nashrning ta'kidlashicha, bunday choralar juda kam qo'llaniladi. Diqqatga sazovor holatlar orasida Suriyaga qochib ketgan Shamima Begumning fuqarolikdan mahrum etilishi va AQShda rossiyalik josuslik guruhi aniqlanganidan keyin Anna Chapmanning Britaniya pasporti bekor qilingani kiradi