Leonid Kuchma: Ozarbayjon mustaqilligi men uchun shunchaki so‘z emas

Ukrainaning sobiq prezidenti Leonid Kuchma Ozarbayjon Respublikasi Prezidenti Ilhom Aliyevga tabrik maktubi yo‘lladi APA-ning xabar berishicha, tabrikda shunday deyilgan: “Hurmatli Ilhom Haydar o‘g‘li Sizni va sizning timsolingizda butun Ozarbayjon xalqini Mustaqillik kuni bilan chin qalbimdan tabriklayman Men Ozarbayjonga – bu muborak zaminga ko‘p marotaba tashrif buyurganman. Mard xalqingizning istiqlol uchun kurashi qahramonlari haqida chin do‘stingiz, unutilmas otangiz Haydar Aliyevdan eshitdim. Shuning uchun Ozarbayjon mustaqilligi men uchun shunchaki so‘z emas. Bilaman, Ukraina xalqi Ozarbayjonni nafaqat do‘st, balki boy berilgan hududlarni qaytarish va hududiy yaxlitlikni tiklash imkonini beruvchi milliy iroda namunasi sifatida ham qabul qiladi. Siz buni uddaladingiz va biz hali buni uddalashimiz kerak. Bu xalqlarimiz o‘rtasida o‘ziga xos tarixiy rishtalarni yuzaga keltiradi Umid qilamanki, Ozarbayjon xalqi ham buni his qiladi va o‘zining haqiqiy do‘sti kimligini tushunadi Go‘zal Vataningiz taraqqiyoti va ravnaqi yo‘lidagi samimiy tilaklarimni qabul qilishingizni so‘rayman