Jahon yangiliklari sharhi

AQSh prezidenti Donald Tramp shu hafta oxirida Eron bilan tinchlik bitimi imzolanishi va Hormuz bo‘g‘ozi qayta ochilishiga umid bildirdi. Biroq rasmiy Tehron bu masala bo‘yicha yakuniy qaror hali qabul qilinmaganini ma’lum qiladi Jahon bozorida neft narxi bir zumda 4 foizga arzonlashdi va Brent markasining bir barreli 86 dollar 57 sentdan sotildi. Xom-ashyo narxining pasayishiga AQShning Eronga zarba berishdan bosh tortgani va Yaqin Sharqda yangi urush xavfi barham topgani sabab bo‘lmoqda Janubiy Koreyaning sobiq prezidenti Yun Suk Yol 30 yillik qamoq jazosiga hukm qilindi. U harbiy holat e'lon qilish niyatini oqlash uchun Pxenyan osmoniga uchuvchisiz uchish apparatlarini uchirishga buyruq berib, Shimoliy Koreya bilan vaziyatni ataylab keskinlashtirgani uchun shunday jazoga mahkum etilgan. Ma’lumki, joriy yilning fevral oyida Yun 2024-yil oxirida harbiy to‘ntarish uyushtirganlikda ayblanib, umrbod qamoq jazosiga hukm qilingan edi Amerikalik meteorologlar sayyoramizdagi havo haroratini oshiruvchi “El-Ninyo” hodisasi boshlanganini e’lon qilishdi. Sababi, so‘nggi oylarda Tinch okeanining tropik qismida suv yuzasi isib bormoqda. Natijada 2027 yil issiq yilga aylanadi, yer yuzida tabiiy ofatlar tez-tez sodir bo‘ladi, qurg‘oqchilik kuchayadi, hosil yetishmaydi, ko‘plab mamlakatlar iqtisodiyoti zarar ko‘radi Ilon Maskning SpaceX kompaniyasi 555 milliondan ortiq aksiyalarini 135 dollarga sotdi va o'ziga 75 milliard dollar sarmoya kiritdi. Bugungi kunda kosmik texnologiyalar va sun'iy intellekt sohasida faoliyat yurituvchi kompaniya bozor qiymati 1,8 trillion dollarni tashkil etgani va Mask insoniyat tarixidagi birinchi trillionerga aylangani ajablanarli emas