Qirg‘iziston aviakompaniyalari Yevropa Ittifoqining “qora ro‘yxati”dan chiqarildi

8 iyun kuni prezident maʼmuriyati Qirgʻiziston havo xavfsizligi boʻyicha Yevropa Ittifoqining “qora roʻyxati”dan chiqarilganini eʼlon qildi Undagi maʼlumotlarga koʻra, Yevropa komissiyasining Mobillik va transport bosh boshqarmasi Qirgʻizistonda sertifikat olgan barcha aviakompaniyalar roʻyxatdan chiqarilganini maʼlum qilgan Qaror 2026-yil 19-21-may kunlari Assotsiatsiyaning Aviatsiya xavfsizligi qo‘mitasi (ASC) yig‘ilishida qabul qilingan va Yevropa Komissiyasining tegishli reglamenti bilan rasmiylashtirilgan Davlatimiz rahbari Sadir Japarovning topshirig‘iga asosan keyingi yillarda fuqaro aviatsiyasini isloh qilish, havo xavfsizligi ustidan davlat nazoratini kuchaytirish, milliy tizimni Xalqaro fuqaro aviatsiyasi tashkiloti (ICAO) standartlariga muvofiqlashtirish bo‘yicha ishlar amalga oshirilgani haqida Prezident ma’muriyati ma’lum qildi "Yevropa komissiyasi erishilgan yutuqlarni, jumladan, texnik maslahatlashuvlar, 2026-yil mart oyida boʻlib oʻtgan baholash tashrifi va Bryusseldagi tinglovlarni yuqori baholadi. Erishilgan natijalarni qoʻllab-quvvatlash uchun Yevrokomissiya Qirgʻiziston tomoni bilan texnik hamkorlikni davom ettiradi", — deyiladi axborotda Qirg‘iziston aviakompaniyalari 2006-yilda Yevropa Ittifoqining “qora ro‘yxati”ga “xalqaro standartlarga mos kelmaydi” degan sabab bilan kiritilgan edi Avvalroq Fuqaro aviatsiyasi agentligi Qirg‘iziston aviatsiyasi joriy yilning may oyida ro‘yxatdan chiqarilishi kutilayotgani haqida xabar bergan edi