Qirg‘izistondagi 13 ta tibbiyot maktabi akkreditatsiyadan o‘ta olmadi

Sog‘liqni saqlash vazirligi Qirg‘izistondagi 13 ta tibbiyot maktabi akkreditatsiyadan o‘ta olmaganini ma’lum qildi Ular: “Avitsenna” xalqaro tibbiyot, ADAM, Roel Metropolitan, Altamimi, “Ala-Too”, Xalqaro tibbiyot, Salymbekov, Tibbiyot va fan, Markaziy Osiyo, Yevrosiyo va O‘sh xalqaro tibbiyot universitetlari. Bundan tashqari, Qirg‘iziston tibbiyot-stomatologiya va Bishkek xalqaro tibbiyot institutlari akkreditatsiyadan o‘tkazilmagan O‘sh davlat universiteti, “Qirg‘iziston xalqaro universiteti” o‘quv-ilmiy-ishlab chiqarish majmuasi, Xalqaro oliy tibbiyot maktabi va Tentishev nomidagi Osiyo xalqaro universitetiga olti yil muddatga ishlashga ruxsat berildi Shuningdek, yana yettita ta’lim muassasasi bir yil muddatga akkreditatsiyadan o‘tkazildi Sog‘liqni saqlash vazirligi akkreditatsiya professor-o‘qituvchilar tarkibi, klinik bazasi, moddiy-texnika resurslari, ta’lim dasturlari va mutaxassislar tayyorlash sifatiga qarab amalga oshirilganini ma’lum qildi Rasmiy maʼlumotlarga koʻra, Qirgʻizistonda tibbiyot sohasida 34 ta oliy taʼlim muassasasi mavjud. Ulardan 12 tasi davlat, qolgan 22 tasi xususiy mulkdir 2025-yil avgust oyida Prezident Sadir Japarov “Tibbiyot sohasida mutaxassislar tayyorlashga davlat monopoliyasini joriy etish to‘g‘risida”gi qarorni imzolagan edi Unga ko‘ra, Iso Oxunboyev nomidagi Qirg‘iziston davlat tibbiyot akademiyasiga alohida huquq berilib, tibbiyot sohasida mutaxassislar tayyorlash uchun davlat monopoliyasi joriy etildi. Akkreditatsiyadan o'tmagan xususiy maktablar ta'lim faoliyatini faqat universitetgacha tayyorgarlik kurslari yoki o'quv-klinik bazalari formatida olib borishi mumkin. Ular to‘liq Qirg‘iziston Davlat Tibbiyot Akademiyasi nazoratida. (BTo)