Qirg‘iziston Yaqin Sharqdagi vaziyat yomonlashganidan xavotir bildirdi

Qirg‘iziston Yaqin Sharqdagi bir qator davlatlar hududlariga takroriy havo hujumlari uyushtirilganidan xavotir bildirdi Rasmiy Bishkek mojaroni tinch yoʻl bilan hal etishga qaratilgan muzokaralar jarayoniga putur yetkazishi mumkin boʻlgan har qanday harbiy harakatlarni qoralab, tomonlarni sabr-toqatli boʻlishga, vaziyatning yanada keskinlashishiga olib keladigan qadamlardan tiyilishga va oʻt ochishni toʻxtatish rejimiga rioya qilishga chaqirdi “Xalqaro huquq normalari va Birlashgan Millatlar Tashkiloti (BMT) ustaviga, ayniqsa, mojaroda ishtirok etmagan Fors ko‘rfazi mamlakatlariga nisbatan qat’iy rioya qilishga, shuningdek, mojaroni harbiy emas, diplomatik yo‘l bilan hal qilish bo‘yicha sa’y-harakatlarni davom ettirishga chaqiradi”, — deyiladi Tashqi ishlar vazirligi (TIV) bayonotida 2-iyun kuni kechqurun va 3-iyunga o‘tar kechasi Eron AQSh harbiy bazalari joylashgan qo‘shni davlatlar – Quvayt va Bahraynga bir necha bor dron va raketalarni o‘qqa tutdi. Bu haqda AQSh Qurolli kuchlari markaziy qo‘mondonligi (CENTCOM) ma’lum qildi Bayonotga ko‘ra, Eron tomonidan qo‘shni davlatlarga otilgan bir qancha raketalar nishonga yetib bormagan. Bahraynga qaratilgan uchuvchisiz samolyotlar Amerika va Bahrayn havo mudofaa tizimlari tomonidan yo‘q qilingan, Quvaytga qaratilgan ikkita raketa ham havoda yo‘q qilingan Eron Islom inqilobi qo‘riqchilari korpusi AQSh flotining 5-shtab-kvartirasi va Bahrayndagi harbiy bazasi yo‘q qilinganini ma’lum qildi. Amerika qo'mondonligi bu xabarni rad etdi va amerikalik askarlar orasida qurbonlar yo'qligini ma'lum qildi Bu AQSh va Eron o‘rtasida aprel oyida imzolangan o‘t ochishni to‘xtatish kelishuvidan keyingi birinchi yirik zarbalardir. Tomonlar vositachilar orqali olib borgan tinchlik muzokaralari hozircha natija bermadi. (BTo)