Qirg‘iziston birinchi marta BMT Xavfsizlik Kengashiga saylandi (video)

Qirg‘iziston tarixda birinchi marta BMT Xavfsizlik Kengashining 2027–2028 yillarga doimiy bo‘lmagan a’zosi etib saylandi Ovoz berish 3 iyun kuni Nyu-Yorkdagi BMT Bosh Assambleyasida bo‘lib o‘tdi. Qirg‘iziston nomzodi uchun 142 davlat ovoz berdi. Uning Osiyo-Tinch okeani guruhidagi raqibi 49 ovoz olgan Filippin bo'ldi Shunday qilib, Qirg‘iziston Filippinni chetlab o‘tdi va 2027-yil 1-yanvardan 2028-yil 31-dekabrgacha BMT Xavfsizlik Kengashining doimiy bo‘lmagan a’zosi o‘rnini egallaydi Eslatib o‘tamiz, avvalroq prezident Sadir Japarov Qirg‘iziston nomzodini qo‘llab-quvvatlashni so‘rab dunyo yetakchilariga murojaat qilgan edi. Uning ta'kidlashicha, mamlakat ilgari hech qachon BMT Xavfsizlik Kengashiga a'zo bo'lmagan, Filippin esa to'rt marta a'zo bo'lgan Qirg‘iziston, agar saylansa, profilaktik diplomatiya, nizolarni tinch yo‘l bilan hal etish, yadroviy qurollarni tarqatmaslik masalalari hamda iqlim va xavfsizlik o‘rtasidagi munosabatlarni rivojlantirish niyatida ekanini bildirdi Qirg‘iziston nomzodi avvalroq Markaziy Osiyo davlatlari tomonidan qo‘llab-quvvatlangan Birlashgan Millatlar Tashkiloti Xavfsizlik Kengashi 15 a'zodan iborat: besh doimiy va o'nta doimiy bo'lmagan. Doimiy boʻlmagan aʼzolar BMT Bosh Assambleyasi tomonidan ikki yil muddatga saylanadi