Kompyuter klubi yaqinidagi mojaro fojia bilan yakunlandi: Olmaotada ikki voyaga yetmagan bola halok bo‘ldi

Ijtimoiy tarmoqlarda keng rezonansga sabab bo‘lgan voqea 30-aprelga o‘tar kechasi sodir bo‘lgan.Dastlabki ma’lumotlarga ko‘ra, mojaro kompyuter klublaridan birida boshlangan, keyin ko‘chada davom etgan va ommaviy mushtlashuvga aylangan Mushtlashuv vaqtida ishtirokchilardan biri pichoq ishlatgan. Ikki o‘smir og‘ir tan jarohati olib, tibbiy muassasaga yetkazilgan, biroq ularni qutqarib bo‘lmagan. Halok bo‘lganlardan biri 17 yoshda ekani xabar qilingan "Uning dugonasi yordam soʻradi. U birov bilan janjallashganini, gaplashish kerakligini aytdi. U yerda 10 ga yaqin yigit bor edi. Oʻzaro janjal kelib, ulardan biri Yeshimning yuragiga pichoq sanchidi. Farzandim jahli chiqib, orqasidan yugurdi. Oʻsha yerda yana pichoqlab ketishdi", - deydi qurbonlardan birining onasi Oygerim Tavakelova Huquq-tartibot idoralari maʼlumotlariga koʻra, tezkor-qidiruv tadbirlari doirasida hodisaning barcha ishtirokchilari aniqlanib, qoʻlga olingan. Gumonlanuvchilar orasida 17 yoshdan 20 yoshgacha bo‘lgan yoshlar ham bor. Hujumlarni bevosita amalga oshirganlar allaqachon hibsga olingan Olmaota politsiya departamentining aniqlik kiritishicha, qotillik yuzasidan jinoiy ish ochilgan. Barcha hibsga olinganlar vaqtinchalik saqlash izolyatoriga joylashtirildi "Surishtiruvga qadar tekshiruv doirasida ularning har birining qilmishiga huquqiy baho beriladi, sodir boʻlgan voqeaga aloqadorlik darajasi va roli aniqlanadi. Voqea sodir boʻlgan barcha holatlarni har tomonlama, toʻliq va xolisona aniqlashga qaratilgan kompleks tergov harakatlari olib borilmoqda", — deya izoh berdi shahar IIB matbuot xizmati Surishtiruv ishlarining borishi Ichki ishlar vazirligi va shahar IIB rahbariyati tomonidan alohida nazoratga olingan