Sem Altman uchun molotov kokteyli

Noma'lum shaxs OpenAI bosh direktori Sem Altmanning San-Fransiskodagi uyiga bir shisha molotov kokteyli tashladi. Bu haqda The Guardian mahalliy politsiyaga tayanib yozadi Hodisa Rossiya tepaligi hududida sodir bo'lgan. Gumonlanuvchi qo‘lga olingan, biroq uning shaxsi hozircha oshkor etilmagan. Huquq-tartibot idoralariga ko‘ra, u avvalroq OpenAI shtab-kvartirasiga ham tahdid qilgan Voqea haqida kompaniya ichidagi xodimlar xabardor qilingan. Unda aytilishicha, noma’lum shaxs yondiruvchi moslamani Altmanning uyi tomon uloqtirgan, biroq u yaqin atrofga tushib, tezda chiqib ketgan. Jabrlanganlar yo‘q, yetkazilgan zarar unchalik katta bo‘lmagan deb baholanmoqda O‘tgan yilning noyabrida OpenAI sun’iy intellekt rivojlanishiga qarshi bo‘lgan Stop AI faollar guruhiga aloqador shaxsdan tahdidlar olgach, San-Fransiskodagi ofisini vaqtincha yopgan edi, deb yozadi Wired. Tashkilotning o'zi voqeaga aloqadorligini rad etib, "zo'ravonlik qilmaslikka qattiq sodiq" ekanini ta'kidladi