Kobaxidze: “O‘rta koridor” imkoniyatlaridan foydalanib, Serbiya bilan hamkorlikni chuqurlashtirishga tayyormiz

Gruziya Oʻrta koridorning tranzit salohiyatidan toʻliq foydalanish uchun Serbiya bilan hamkorlikni chuqurlashtirishga tayyor Bu haqda Gruziya bosh vaziri Irakliy Kobaxidze Serbiya prezidenti Aleksandr Vuchich bilan uchrashuvdan so‘ng o‘tkazilgan qo‘shma brifingda ma’lum qildi, deb yozadi “Report”ning mahalliy byurosi Uning so‘zlariga ko‘ra, Gruziya va Serbiya o‘rtasida savdo-iqtisodiy aloqalarni rivojlantirish hamda transport va logistika sohasidagi hamkorlikni kengaytirish uchun katta imkoniyatlar mavjud: "Gruziya Oʻrta koridorning ajralmas qismidir. Biz Yevropa va Osiyo oʻrtasidagi tranzit va savdo salohiyatidan toʻliq foydalanish maqsadida Serbiya bilan hamkorlikni yanada chuqurlashtirishga tayyormiz" I.Kobaxidze Gruziya suvereniteti va hududiy yaxlitligini qo‘llab-quvvatlagani uchun Serbiya Prezidentiga minnatdorlik bildirib, Tbilisi Serbiya suvereniteti va hududiy yaxlitligini qat’iy qo‘llab-quvvatlashini ta’kidladi Hukumat rahbari, shuningdek, Serbiyaning Tbilisida elchixonasi ochish haqidagi qarori nihoyatda muhim qadam ekanligini taʼkidladi: “Ushbu diplomatik vakolatxona mamlakatlarimiz oʻrtasidagi hamkorlikni yanada mustahkamlashga muhim hissa qoʻshishiga ishonaman” Ulardan foydalanishda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir