Kelgusi yildan maktablarda ovqatlanish uchun ajratiladigan mablag‘ ko‘payadi

Bishkek, 10.06.26. /Yangiliklar/. 2027-yil 1-yanvardan o‘quvchining maktabdagi bir kunlik ovqatlanishini moliyalashtirish stavkasi 40 so‘mgacha oshiriladi. Prezident Sadir Japarov tegishli qaror qabul qildi Ayni paytda umumta’lim muassasalarining 1-4-sinf o‘quvchilarining ovqatlanishi respublika byudjeti hisobidan har bir o‘quvchi uchun kuniga 14 so‘m miqdorida moliyalashtiriladi Shu bilan birga, bolalar salomatligi, ularning to‘liq ovqatlanishi, sog‘lom turmush tarzining barqaror asoslarini shakllantirish masalalari mamlakatimizni uzoq muddatli ijtimoiy-iqtisodiy rivojlantirishda muhim ahamiyat kasb etadi Shu munosabat bilan maktab o‘quvchilarini sifatli ovqat bilan ta’minlash nafaqat davlatning ijtimoiy burchi, balki mamlakat kelajagiga qo‘yilgan sarmoyadir Moliyaviy stavkaning 40 so‘mga ko‘tarilishi go‘sht va baliq ovqatlarini, sut mahsulotlarini ratsionga ko‘proq kiritish, meva-sabzavot turlarini kengaytirish, oziq-ovqat turlarini ko‘paytirish, oqsil, yog‘ va uglevodlar bo‘yicha ovqatlanish muvozanatini yaxshilash imkonini beradi Qolaversa, Davlatimiz rahbarining mazkur qarori mamlakatimiz hududlarida maktab o‘quvchilari ovqatlanishini tashkil etishdagi farqlarni kamaytirish, oilalarning qo‘shimcha moddiy yukini yengillashtirishga xizmat qilmoqda Prezident qarorini amalga oshirish maqsadida Moliya vazirligiga 2027-yil 1-yanvardan boshlab maktab o‘quvchilari ovqatining yangi standartini moliyalashtirish uchun zarur budjet mablag‘larini ko‘rib chiqish topshirildi