Xusanovning transfer qiymati keskin oshadi

O‘zbekiston milliy terma jamoasi va “Manchester Siti” himoyachisi Abduqodir Xusanovning bozor qiymati 15 million yevroga oshdi. Bu haqda Transfermarkt xabar berdi Bugun, 3-iyun kuni Transfermarkt nashri Angliya Premer-ligasi futbolchilarining bozor bahosini yangiladi. Yangilanishga ko'ra, Xusanovning narxi 35 million yevrodan 50 million yevroga ko'tarilgan Portal ma’lumotlariga ko‘ra, Angliya premer-ligasida ishtirok etayotgan 524 nafar futbolchining bozor bahosi yangilangan. Yangilanishdan so'ng liganing umumiy transfer qiymati 209 million yevroga kamaydi, biroq u 12,37 milliard yevroga teng dunyoning eng qimmat ligasi maqomini saqlab qoldi Eng katta o'sishni "Manchester Siti" yarim himoyachisi Rayan Cherki qayd etdi. Fransiyalik futbolchining bozor qiymati 25 million yevroga oshib, 90 million yevroga yetdi "Manchester Siti" futbolchisi Niko O'Reyli ham uning bozor qiymati 20 million yevroga oshib, 70 million yevroga yetdi. Abduqodir Xusanov bozor qiymati eng ko'p o'sgan futbolchilar orasida sakkizinchi o'rinni egalladi Malumot uchun, 22 yoshli markaziy himoyachi joriy mavsumda “shaharliklar” safida barcha musobaqalarda 36 ta o'yin o'tkazgan va shulardan 30 tasida maydonga tushgan. Mavsum yakunida u “Manchester Siti” bilan Angliya kubogi va Liga kubogini qo'lga kiritdi