Qozog‘iston Shvetsiyaga noresurs mahsulotlar eksportini oshirish niyatida

Muzokaralar chog‘ida savdo-iqtisodiy hamkorlikning dolzarb masalalari, o‘zaro tovar ayirboshlash hajmini oshirish, investitsiyalarni jalb etish va ikki mamlakat ishbilarmon doiralari o‘rtasidagi hamkorlikni kengaytirish istiqbollari muhokama qilindi Savdoni osonlashtirish masalalariga, jumladan, mahsulotlarning Qozogʻiston va Shvetsiya bozorlariga chiqishini soddalashtirish, texnik toʻsiqlarni bartaraf etish, logistika va bojxona tartiblarini takomillashtirish, shuningdek, eksport-import operatsiyalarini rivojlantirish uchun qulay shart-sharoitlar yaratishga alohida eʼtibor qaratildi Qozog‘iston tomoni Shvetsiya va Yevropa Ittifoqi bozoriga mahalliy noresurs mahsulotlar yetkazib berishni kengaytirishdan manfaatdor ekanligini tasdiqladi. Shu munosabat bilan eksportchilarni qo‘llab-quvvatlash va to‘g‘ridan-to‘g‘ri ishbilarmonlik aloqalarini rivojlantirish maqsadida QazTrade, Shvetsiya Milliy Savdo Kengashi va Biznes Shvetsiya o‘rtasidagi hamkorlikni chuqurlashtirish imkoniyatlari muhokama qilindi Uchrashuv ishtirokchilari sanoat kooperatsiyasi masalalariga alohida e’tibor qaratdilar. Tomonlar Hyundai Trans Almaty va Volvo Group o‘rtasida hamkorlik to‘g‘risidagi memorandum imzolanganini olqishladi. Loyihani amalga oshirish mahalliy mashinasozlikni rivojlantirish, yangi ishlab chiqarish quvvatlarini yaratish, investitsiyalarni jalb qilish va Qozog‘istonning eksport salohiyatini mustahkamlashga xizmat qilishi kutilmoqda Muzokaralar chog‘ida Qozog‘iston bozorida shved biznesining ishtirokini kengaytirish istiqbollari ham muhokama qilindi. Qozog‘iston Shvetsiyaning yetakchi kompaniyalari bilan hamkorlikni rivojlantirishga, jumladan, mamlakatda IKEA do‘konlarini ochish imkoniyatlariga qiziqish bildirgan. Tomonlar qo‘shma loyihalarni ilgari surish va biznesning dolzarb masalalarini hal etish uchun samarali platformaga aylanadigan savdo-iqtisodiy va sarmoyaviy hamkorlik bo‘yicha Qozog‘iston-Shvetsiya komissiyasini tashkil etish muhimligini qayd etdilar Uchrashuv yakunlari boʻyicha Qozogʻiston va Shvetsiyaning savdo-iqtisodiy sheriklikni yanada mustahkamlash, sarmoyaviy hamkorlikni kengaytirish va yangi qoʻshma tashabbuslarni amalga oshirishdan oʻzaro manfaatdorligi tasdiqlandi Avvalroq Qozog‘iston va Shvetsiya Savdo-iqtisodiy va sarmoyaviy hamkorlik bo‘yicha ikki tomonlama komissiya tuzgan edi