Qozog‘iston va Ispaniya kengaytirilgan strategik sheriklikni rivojlantirish masalalarini muhokama qildi

Qozog‘iston delegatsiyasiga Qozog‘iston Respublikasi tashqi ishlar vaziri o‘rinbosari Arman Isetov, ispan tomoniga Ispaniya Tashqi ishlar, Yevropa Ittifoqi va hamkorlik vazirligining tashqi va global ishlar bo‘yicha Davlat kotibi Diego Martines boshchilik qildi Vazirlik maʼlumotlariga koʻra, maslahatlashuvlar doirasida siyosiy muloqotdan tortib savdo-iqtisodiy, sarmoyaviy, madaniy-gumanitar va taʼlim loyihalarigacha boʻlgan keng koʻlamli hamkorlik yoʻnalishlari koʻrib chiqildi. Tomonlar, shuningdek, dolzarb xalqaro va mintaqaviy kun tartibi hamda xalqaro tashkilotlar doirasidagi hamkorlik yuzasidan fikr almashdilar Savdo va sarmoyaviy hamkorlikni yanada mustahkamlashga alohida e'tibor qaratildi. Ispaniya Qozog‘istonning Yevropa Ittifoqi davlatlari orasida asosiy iqtisodiy hamkorlaridan biri ekanligi qayd etildi. Buni o‘zaro tovar ayirboshlashning barqaror ko‘rsatkichlari ham tasdiqlaydi, uning hajmi 2025-yilda 1,93 milliard AQSH dollarini tashkil etdi. Tomonlar transport va logistika, qayta tiklanadigan energetika, qishloq xo‘jaligi, raqamlashtirish, turizm va ta’lim sohalarida hamkorlikni yanada kengaytirishdan manfaatdorligini bildirdilar “Qozog‘iston Ispaniyaga Yevropadagi asosiy sheriklardan biri sifatida qaraydi va ishonch va o‘zaro hurmat tamoyillari asosida strategik hamkorlikni yanada chuqurlashtirish tarafdori”, — dedi Arman Isetov O‘z navbatida, Diego Martines ispan tomoni ko‘p qirrali hamkorlikni rivojlantirishga tayyorligini tasdiqlab, iqtisodiy va gumanitar sohalardagi qo‘shma loyihalarning salmoqli salohiyatini ta’kidladi Uchrashuv yakunlari bo‘yicha tomonlar siyosiy muloqotni yanada mustahkamlash va barcha muhim yo‘nalishlarda ikki tomonlama hamkorlikni kengaytirishdan o‘zaro manfaatdor ekanliklarini tasdiqladilar Eslatib o‘tamiz, Qozog‘iston va Fransiya atom energetikasi sohasidagi hamkorlikni rivojlantirish niyatida