Jon Li Ka Chiu: “O‘zbekiston Markaziy Osiyodagi asosiy strategik hamkorlarimizdan biri”

So‘nggi yillarda amalga oshirilayotgan iqtisodiy islohotlar, investitsiya muhitining yaxshilanishi, O‘zbekistonning ochiq tashqi siyosati mamlakatimizning xalqaro hamkorlar oldidagi jozibadorligini mustahkamlamoqda Gonkong maxsus maʼmuriy hududi ijrochi direktori Jon Li Ka Chiuning Markaziy Osiyoga tashrifi chogʻida bildirgan fikri mintaqaning ushbu sohaga boʻlgan qiziqishi ortib borayotganidan dalolat beradi – Ko‘rsatilgan samimiy mehmondo‘stlik va tashrif dasturi yuqori saviyada tashkil etilgani uchun O‘zbekiston hukumatiga chuqur minnatdorlik bildiraman, – deydi Jon Li Ka Chiu. – Shuningdek, Xitoyning O‘zbekistondagi elchixonasi jamoasiga ko‘rsatgan yordami uchun alohida minnatdorchilik bildiraman O‘zbekiston Markaziy Osiyodagi eng ko‘p aholiga ega va mintaqaning iqtisodiyoti eng tez rivojlanayotgan davlatlaridan biridir. So‘nggi yillarda mamlakat yalpi ichki mahsulotining o‘sish sur’ati 5 foizdan yuqori bo‘lib qolmoqda va O‘zbekiston Gonkong uchun Markaziy Osiyo bozoriga chiqishda muhim hamkorga aylanmoqda Tashrifning birinchi kunida O‘zbekiston tashqi ishlar vaziri Baxtiyor Saidov bilan uchrashuv bo‘lib o‘tdi. Vizasiz rejim joriy etish boʻyicha ikki tomonlama kelishuv imzolandi. Ikki davlat fuqarolari 30 kun davomida vizasiz sayohat qilishlari mumkin bo‘ladi Oʻzbekiston Prezidenti Shavkat Mirziyoyev, Bosh vazir Abdulla Aripov, Prezident maslahatchisi Shuhrat Vafoyev, Bosh vazir oʻrinbosari Jamshid Xoʻjayev bilan muzokaralar boʻlib oʻtdi. Moliya, savdo, aviatsiya va boshqa sohalardagi hamkorlikni kengaytirish yuzasidan o‘zaro anglashuvga erishildi Biz O‘zbekiston ishbilarmon doiralari bilan faol muloqot o‘rnatmoqdamiz. Gonkong Savdoni rivojlantirish kengashi va O‘zbekiston Savdo-sanoat palatasi vakillari ishtirok etgan biznes-forum yangi investitsiya va savdo loyihalarini muhokama qilish uchun muhim maydon bo‘ldi Tashrif doirasida IT Park Uzbekistan faoliyati bilan yaqindan tanishdik. Raqamli texnologiyalar vaziri Sherzod Shermatov bilan uchrashuvda innovatsiyalar sohasidagi hamkorlikni muhokama qildik Markaziy Osiyoga safardan maqsad yangi bozorlarni o‘rganish, hukumatlararo aloqalarni mustahkamlash va “hub-to-hub” tamoyiliga asoslangan hamkorlik modelini ishlab chiqishdan iborat Gonkong va Xitoydan 70 dan ortiq kompaniya vakillaridan iborat delegatsiya Qozog‘iston va O‘zbekistonga keldi. Ular 20 dan ortiq tadbirlarda faol ishtirok etdilar. Jami 96 ta hamkorlik va anglashuv memorandumlari imzolandi. Loyihaning umumiy hajmi 1,65 milliard dollardan ortiq qilib belgilandi Hamkorlik doirasidagi asosiy qarorlardan biri bu mamlakatning Gonkongda Bosh konsulligini ochish rejasidir. Ikki tomonlama soliqqa tortishning oldini olish bo‘yicha kelishuvlarga erishildi, investitsiyalarni o‘zaro himoya qilish to‘g‘risidagi kelishuv bo‘yicha muzokaralar boshlandi. Bojxona sohasida vakolatli xo‘jalik yurituvchi subyektlarni o‘zaro tan olish mexanizmi nazarda tutilgan Gonkong Savdoni rivojlantirish kengashi raisi Piter Lam ham tashrif natijalarini yuqori baholadi. Tashrif yangi ishbilarmonlik tashabbuslari uchun imkoniyatlar yaratganini ta’kidladi. Qozog‘iston va O‘zbekistonda yirik loyihalar bo‘yicha muzokaralar olib borilmoqda. Ayrim kompaniyalar O‘zbekistonda farmatsevtika ishlab chiqarish korxonalarini qurish va mahalliy xomashyodan an’anaviy xitoy tibbiyoti mahsulotlarini tayyorlash loyihalarini muhokama qilmoqda Suhbatdosh Dilshod Hakimov, suratlar Sarvar O‘rmonov, O‘zA