Isroil ispan diplomatini chaqirtirdi

Ispaniyaning Malaga provinsiyasida Bosh vazir Binyamin Netanyaxuning haykalchasi yoqib yuborilganidan so‘ng Isroil hukumati Ispaniyaning Muvaqqat ishlar vakili Fransisko Pedros Karreteroni Tel-Avivga rasmiy tanbeh olish uchun chaqirdi Hodisa 5 aprel kuni an’anaviy “Yahudoni yoqish” marosimi doirasida sodir bo‘lgan, o‘shanda Isroil hukumati rahbari tasvirlangan yetti metrlik haykal yoqib yuborilgan. Mahalliy hukumat bu harakatni Isroilning G‘azo sektoridagi harbiy harakatlariga norozilik sifatida izohladi Isroil Tashqi ishlar vazirligi “Ispaniyaning muvaqqat ishlar vakili tanbeh berish uchun chaqirilganini” ta’kidlab, Ispaniya hukumatini antisemitizmni “tizimli ravishda qo‘zg‘atish”da va bu borada chora ko‘rmaganlikda aybladi. Tashqi ishlar vazirligi, shuningdek, "dahshatli antisemit nafrat" Ispaniya Bosh vaziri Pedro Sanches siyosatining bevosita natijasi ekanligini ta'kidladi Ispaniya bu ayblovlarni rad etib, mamlakat hukumati “antisemitizm va nafrat yoki kamsitishning istisnosiz har qanday ko‘rinishiga qarshi kurashga sodiqligini” ta’kidladi, deb xabar berdi TVE manbalarga tayanib