Shveytsariya aholi sonini 10 million kishi bilan cheklash tashabbusini rad etdi - YANGILANISH

Shveytsariyada o‘tkazilgan referendumda saylovchilar mamlakat aholisi sonini 10 million kishi bilan cheklash tashabbusini rad etdi. Bu haqda Reuters agentligi xabar berdi Dastlabki natijalarga ko‘ra, saylovchilarning 55 foizga yaqini tashabbusga qarshi ovoz bergan, 45 foizi esa uni qo‘llab-quvvatlagan. Referendum o‘tkazishni o‘ng qanotdagi Shveytsariya Xalq partiyasi (SVP) taklif qilgan Shveytsariya fuqarolari yakshanba kuni mamlakat aholisini 2050 yilga borib 10 milliongacha cheklash taklifiga ovoz berishdi Bu haqda Reuters agentligi xabar berdi Bu taklifni o‘ng qanotdagi Shveytsariya Xalq partiyasi (SVP) ilgari surgan. Partiya aholi sonining tez o‘sishi mamlakat infratuzilmasi, uy-joy bozori, ijtimoiy xizmatlar va tabiiy resurslarga qo‘shimcha yuk yaratadi, deb hisoblaydi Tashabbusga ko'ra, Shveytsariyaning doimiy aholisi 2050 yilga borib 10 million kishidan oshmasligi kerak. Ayni paytda mamlakatda taxminan 9,1 million kishi istiqomat qiladi va 2040-yillar boshiga kelib ularning soni 10 millionga yetishi kutilmoqda Loyihada aytilishicha, aholi soni 9,5 millionga etganidan keyin hukumat immigratsiya qoidalarini kuchaytirishi kerak. Bu o'zgarishlar asosan boshpana va oilani birlashtirish qoidalariga ta'sir qilishi mumkin. Agar aholi soni 10 milliondan oshsa, hukumat aholi oʻsishiga taʼsir etuvchi xalqaro shartnomalarni qayta koʻrib chiqishi kerak boʻladi. Bunga Yevropa Ittifoqi bilan odamlarning erkin harakatlanishi haqidagi kelishuv ham kiradi Shveytsariya hukumati va parlamenti bu tashabbusga qarshi. Ularning fikricha, bu harakat iqtisodga zarar etkazishi, malakali ishchi kuchi yetishmasligi va Yevropa Ittifoqi bilan munosabatlarni murakkablashtirishi mumkin. Bir qator yirik kompaniyalar ham referendumning ehtimoliy natijalaridan xavotirda Referendum natijalari Shveytsariyaning kelajakdagi immigratsiya siyosati va Yevropa bilan munosabatlariga jiddiy ta’sir ko‘rsatishi mumkin. Ayrim kuzatuvchilar bu ovoz berishni mamlakatning so‘nggi yillardagi eng muhim siyosiy qarorlaridan biri sifatida baholamoqda