Isroilning Livanga qilgan hujumlaridan so‘ng Eron va AQSh o‘rtasidagi tinchlik bitimi sanasi noaniqligicha qolmoqda

AQSh va Eron o'rtasida davom etayotgan muzokaralarda tomonlar mumkin bo'lgan kelishuvga yaqinlashdi, ammo hujjat qachon imzolanishi noma'lumligicha qolmoqda Bu haqda Reuters agentligi xabar berdi Maʼlumotlarga koʻra, AQSh prezidenti Donald Tramp va vositachi rolini oʻynagan Pokiston tomoni dastlabki ramka kelishuvi yakshanba kuni imzolanishi mumkinligini aytgan boʻlsa-da, Tehron bu jarayonning vaqtiga ehtiyotkorona munosabatda boʻlgan. Eron tashqi ishlar vazirligi matbuot kotibi Ismoil Bag‘ay kelishuv xuddi shu kuni imzolanishini tasdiqlamadi, biroq bu yaqin kunlarda sodir bo‘lishi mumkinligini istisno etmadi Reuters agentligining yozishicha, Qatardan vositachilar yakshanba kuni ertalab Tehronga tashrif buyurib, muzokaralarni yakunlash uchun harakatlarini davom ettirgan. Ayni paytda Isroilning Bayrut janubidagi Dahiya hududiga bergan zarbalari jarayonning rivojlanishiga salbiy ta’sir ko‘rsatdi. Eron rasmiysi Muhammad Boqir G‘olibafning aytishicha, bu hujumlar AQShning o‘z majburiyatlarini bajarishdagi irodasi va qobiliyati haqida savollar tug‘diradi