Isroil shimoliy mintaqaga uchuvchisiz uchoqlar hujumiga javob berganini e'lon qildi

Isroil armiyasi Livanning poytaxti Bayrutda Hizbullohga tegishli ekanligi aytilgan nishonga havo hujumi uyushtirdi. Bu haqda The Times of Israel nashri xabar berdi Maʼlumotlarga koʻra, zarba Livan hududidan Isroil shimoliga qarab uchta dron uchirilganidan keyin amalga oshirilgan. Isroil mudofaa kuchlari (IDF) dronlarning havo hujumidan mudofaa tizimlari tomonidan zararsizlantirilganini ma'lum qildi ID bayonotida ta'kidlanishicha, Bayrutning janubiy chekkasidagi zarba nishoni Hizbullohning uchuvchisiz uchoqlari saqlanadigan va foydalaniladigan ob'ekt bo'lgan. Isroil armiyasi bu infratuzilma shimoliy Isroilga qarshi hujumlar uyushtirish uchun ishlatilganini da'vo qildi. Isroil Mudofaa vaziri Isroil Kats mamlakati o‘z hududiga qaratilgan hujumlarga javobsiz qolmasligini aytdi "Biz Isroil hududiga qarata o'q otilishiga toqat qilmaymiz. Bayrutda tinchlik faqat Jalilada tinchlik bo'lgandagina mumkin bo'ladi", - deya ta'kidladi u Livan davlat axborot agentligi NNA, Bayrut janubidagi Dahiya hududida kuchli portlashlar eshitilganini va hududga favqulodda yordam mashinalari yuborilganini xabar qildi. Hodisa oqibatida halok bo‘lganlar va jarohatlanganlar haqida rasmiy ma’lumotlar hozircha e’lon qilinmagan