Eron bilan kelishuv 14 iyun kuni imzolanadi - Tramp

Ma`lum qilinishicha, Eron va AQSh o'rtasida yangi kelishuv imzolanishi 14 iyunga belgilangan Bu haqda AQSh prezidenti Donald Tramp “Truth Social” ijtimoiy tarmog‘ida ma’lum qildi, deb xabar beradi Modern.az Tramp AQShning sobiq prezidenti Barak Obama davrida imzolangan Qo‘shma keng qamrovli harakatlar rejasi Eronga yadroviy qurol yaratish imkoniyatlarini yaratganini ta’kidladi. Uning soʻzlariga koʻra, Vashington va Tehron oʻrtasida erishilgan amaldagi kelishuv, aksincha, global yadro xavfsizligini taʼminlashga xizmat qiladi "Eron bilan erishgan kelishuvim bunga mutlaqo teskari va yadroviy qurollar tarqalishini toʻxtatuvchi omildir. Aslida Eron endi yadro quroliga ega boʻlish niyatida emas va unga ega boʻlmaydi. U bunday qurolni na sotib olish, na ishlab chiqish, na boshqa yoʻl bilan qoʻlga kiritishi mumkin boʻlmaydi", deb taʼkidladi Tramp AQSh prezidentining qo‘shimcha qilishicha, kelishuv imzolanishi yakshanba kuni rejalashtirilgan va shundan so‘ng darhol Hormuz bo‘g‘ozi barcha davlatlar uchun ochiq bo‘ladi Uning so‘zlariga ko‘ra, tomonlar o‘rtasidagi munosabatlar avvalgi davrlarga nisbatan ancha yaxshilangan. Trampning soʻzlariga koʻra, Qoʻshma Shtatlar Eron hududidan boyitilgan uranni olib chiqishni rejalashtirmoqda "Biz Eron va butun Yaqin Sharq bilan kelgusi hamkorlikni intiqlik bilan kutamiz. Umid qilamanki, bu jarayon tez va muammosiz yakunlanadi. Aks holda, bizda oxirgi muqobil bor. Umid qilamanki, biz bunga boshqa murojaat qilishimiz shart emas", - dedi AQSh prezidenti