Eron AQSh bilan muzokaralar yakunlanganini e'lon qildi

Yaqin Sharqdagi vaziyat yana yomonlashdi. Eron Isroilning Livanga hujumidan so‘ng AQSh bilan vositachilar orqali xabar almashishni to‘xtatishini aytdi Reuters agentligining Eronning Tasnim agentligiga tayanib xabar berishicha, Tehronning muzokara guruhi Isroilning Livandagi harakatlari tufayli Vashington bilan xabar almashishni to‘xtatishga qaror qilgan Bungacha Isroil bosh vaziri Binyamin Netanyaxu va mudofaa vaziri Isroil Kats armiyaga Hizbulloh kuchli pozitsiyaga ega boʻlgan Bayrutning janubiy chekkasidagi Dahiya hududidagi nishonlarga zarba berishni buyurgan edi Isroil tomoni bu qaror o‘t ochishni to‘xtatish rejimini buzish va Isroil shaharlariga hujumlardan so‘ng qabul qilinganini bildirdi Tehron fikricha, Livandagi o‘t ochishni to‘xtatish kengroq kelishuvlarning bir qismi bo‘lgan. Shu munosabat bilan Eron tomoni Bayrutga berilgan zarbalar hamda Isroilning Livan va G‘azodagi amaliyotlarini muzokaralarni davom ettirish shartlarini buzish sifatida baholaydi Tasnim shuningdek, Eron va unga aloqador kuchlar Hormuz bo‘g‘ozini to‘sib qo‘yish va Bob al-Mandeb bo‘g‘ozi hududida faoliyatni kuchaytirish imkoniyatlarini ko‘rib chiqayotganini yozmoqda Diplomatik inqiroz fonida Eron va AQSh o'rtasidagi harbiy taranglik kuchaymoqda. AQSh armiyasi markaziy qo‘mondonligi ma’lumotlariga ko‘ra, AQSh kuchlari Quvaytda AQSh kuchlari tomon otilgan Eronning ikkita ballistik raketasini tutib oldi. CENTCOM maʼlumotlariga koʻra, AQSh harbiylari orasida qurbonlar yoʻq Avvalroq Amerika qo‘mondonligi Quvayt tomon uchirilgan Eron raketasi va bir nechta uchuvchisiz uchish qurilmalari Hormuz bo‘g‘ozi hududida tutib olingani haqida ham ma’lum qilgandi Vaziyatning keskinlashuvi fonida vositachilar keskinlikni kamaytirishga harakat qilmoqda. Livanning LBC telekanaliga ko'ra, Misr Isroil va Hizbulloh o'rtasida o't ochishni to'xtatish uchun intensiv aloqalarni olib bormoqda. Biroq telekanal xabariga ko‘ra, bu muzokaralar hali natija bermagan