Eron va AQSh o'rtasidagi kelishuv loyihasida yangi takliflar mavjud

Eronning aytishicha, AQSh bilan kelishuv loyihasi neft sanksiyalarini yumshatish va muzlatilgan aktivlarni ozod qilishni nazarda tutadi Eronning yuqori martabali mulozimining Reyter agentligiga aytishicha, AQSh bilan tayyorlangan anglashuv memorandumining yakuniy loyihasi Tehronning yadroviy dasturidan tortib, Hormuz bo‘g‘ozini qayta ochishgacha bo‘lgan bir qancha muhim masalalarni qamrab oladi. Unga ko‘ra, tomonlar o‘rtasidagi yakuniy kelishuv memorandum imzolangandan keyin 60 kun ichida muhokama qilinadi Eron rasmiysiga ko‘ra, loyihaga ko‘ra, Tehron zudlik bilan Hormuz bo‘g‘ozini xalqaro yuk tashish uchun qayta ochadi. Buning evaziga AQSh Eron portlariga o'rnatgan dengiz blokadasini to'xtatadi Hujjatga ko‘ra, yakuniy kelishuvga erishilmaguncha Qo‘shma Shtatlar Eronga qarshi yangi sanksiyalar kiritmaydi. Kelishuv kuchga kirgandan so'ng, AQSh va BMT tomonidan kiritilgan barcha sanksiyalar oldindan kelishilgan jadval asosida bekor qilinadi. Shu bilan birga, Vashington ma’lum muddatga Eron neftiga nisbatan sanksiyalarni yumshatadi, shunda Tehron neft eksportini qayta yo‘lga qo‘yib, daromad keltira oladi Eron rasmiysining aytishicha, AQSh Eronning muzlatilgan 25 milliard dollarlik aktivlarini ozod qilishga ham rozi. Ushbu mablag'larning bir qismi to'g'ridan-to'g'ri transferlar, mintaqaviy sheriklar bilan hamkorlik va kredit liniyalari orqali Eronga yetkazilishi kutilmoqda. Bundan tashqari, AQSh mintaqaviy ittifoqchilari bilan birgalikda Eronni qayta tiklash va rivojlantirish boʻyicha maxsus dastur tayyorlashi va bu dastur 60 kun ichida Tehron bilan kelishilishi taʼkidlandi Yadro dasturi shartlariga ko‘ra, Eron yadroviy qurol ishlab chiqmaslik va unga ega bo‘lmaslik majburiyatini oladi. Yakuniy kelishuv imzolanmaguncha Tehron yadro dasturining hozirgi holatini saqlab qoladi, uran boyitishni kengaytirmaydi va yangi yadro inshootlarini qurmaydi Eron rasmiysining qo‘shimcha qilishicha, Qo‘shma Shtatlar bo‘lajak keng qamrovli kelishuv doirasida Tehronning Eron hududidagi yuqori darajada boyitilgan uran zahiralarini suyultirishga rozi bo‘lgan. Uran zaxiralari taqdiri va boyitish dasturining kelajakdagi parametrlari memorandum imzolangandan keyin 60 kunlik muzokaralar davomida aniqlanadi Qayd etilishicha, AQSh ham, Eron ham ushbu loyihaning barcha tafsilotlari haqida rasmiy bayonot bergani yo‘q. Shunga qaramay, tomonlar uzoq yillik taranglikni yumshatish uchun diplomatik sa’y-harakatlarni davom ettirayotgani aytiladi