Bolalarni axborot muhitida himoya qilish davlatning strategik maqsadi hisoblanadi

Hozirgi zamonda axborot-kommunikatsiya texnologiyalarining jadal rivojlanishi nafaqat ijtimoiy hayotning barcha sohalarini qamrab oldi, balki yangi imkoniyatlar bilan bir qatorda muayyan xavf-xatarlarni ham yuzaga keltirdi. Ayniqsa, bolalar internet va raqamli platformalardan keng foydalanayotgan bir sharoitda ularning axborot xavfsizligini ta’minlash davlat siyosatining muhim yo‘nalishlaridan biriga aylandi. Shu munosabat bilan Ozarbayjonda qabul qilingan “Axborot, axborotlashtirish va axborotni muhofaza qilish to‘g‘risida”gi qonun axborot munosabatlarini tartibga solish, axborot resurslarini himoya qilish va fuqarolar, ayniqsa, bolalarning xavfsiz axborot muhitida rivojlanishini ta’minlash nuqtai nazaridan muhim huquqiy asos bo‘lib xizmat qilmoqda Ozarbayjon Respublikasi Prezidenti janob Ilhom Aliyev rahnamoligida amalga oshirilayotgan davlat siyosatida bolalar huquqlarini himoya qilish, ularning xavfsiz, sog‘lom va sifatli ta’lim muhitida o‘sishi doimo ustuvor yo‘nalishlardan bo‘lib kelgan. Keyingi yillarda raqamli transformatsiya, elektron hukumat tizimini rivojlantirish, kiberxavfsizlik imkoniyatlarini kengaytirish va axborot xavfsizligini mustahkamlash borasida qabul qilingan qarorlar kelajak avlod manfaatlarini himoya qilishga xizmat qilmoqda. Prezidentimiz tomonidan tasdiqlangan “Ozarbayjon 2030: ijtimoiy-iqtisodiy rivojlanishning milliy ustuvor yo‘nalishlari”, “Axborot xavfsizligi va kiberxavfsizlik strategiyalari”, shuningdek, raqamli rivojlanish sohasida qabul qilingan davlat dasturlarida mamlakatimizda xavfsiz axborot muhitini shakllantirish asosiy maqsadlardan biri sifatida belgilandi. Mazkur hujjatlarda bolalarni zararli axborot ta’siridan himoya qilish, raqamli savodxonlikni oshirish, zamonaviy texnologiyalardan xavfsiz foydalanishni targ‘ib qilish alohida o‘rin tutadi Davlatimiz rahbari tomonidan imzolangan farmon va farmoyishlar natijasida ta’lim muassasalarining raqamli imkoniyatlari kengaytirildi, maktablarda axborot texnologiyalaridan foydalanish imkoniyatlari oshirildi, elektron ta’lim resurslarini rivojlantirishga muhim sarmoyalar yo‘naltirildi. Bundan tashqari, kiberxavfsizlik sohasida institutsional mexanizmlarni mustahkamlash internet muhitida bolalar duch kelishi mumkin bo'lgan xavflarni minimallashtirishga xizmat qiladi. Birinchi vitse-prezident Mehribon Aliyevaning faoliyati bolalarning sog‘lom, xavfsiz va har tomonlama rivojlanishiga qaratilgan davlat siyosatining muhim tarkibiy qismidir. Mehribon Aliyeva tomonidan Haydar Aliyev jamg‘armasi prezidenti sifatida boshlangan loyihalar minglab bolalarning sifatli ta’lim olish imkoniyatlarini kengaytirish, ularning salomatligini muhofaza qilish va ijtimoiy farovonligini oshirishga muhim hissa qo‘shdi “Ozarbayjonni modernizatsiya qilishning yangi maktabi”, “Mehribonlik uylari va maktab-internatlarni rivojlantirish”, “Qandli diabetga chalingan bolalarga eng yuqori g‘amxo‘rlik”, “Talassemiyasiz hayot uchun” va boshqa ijtimoiy-gumanitar loyihalar mamlakatimizda bolalarning jismoniy va ma’naviy kamolotiga xizmat qilayotgan muvaffaqiyatli tashabbuslar sifatida alohida ahamiyat kasb etmoqda. Bu loyihalar nafaqat ijtimoiy qo‘llab-quvvatlash mexanizmi, balki bolalarning xavfsiz kelajagini ta’minlashga qaratilgan strategik sarmoyadir. So‘nggi yillarda Milliy Majlis tomonidan axborot xavfsizligi, bolalar huquqlarini himoya qilish va raqamli muhitda xavfsizlikni ta’minlashga doir qator muhim qonunchilik tashabbuslari amalga oshirildi. “Bolalarning huquqlari to‘g‘risida”, “Axborot, axborotlashtirish va axborotni himoya qilish to‘g‘risida”gi, “Shaxsiy ma’lumotlar to‘g‘risida”gi, “Ommaviy axborot vositalari to‘g‘risida”gi va boshqa qonunlarga kiritilgan qo‘shimcha va o‘zgartishlar bolalarni zararli axborotdan himoya qilish, ularning shaxsiy ma’lumotlari saqlanishini ta’minlash, raqamli makonda huquqlarini himoya qilishga xizmat qilmoqda Parlamentda o‘tkazilayotgan jamoatchilik eshituvlari, qo‘mita muhokamalari ham bu boradagi davlat siyosatini takomillashtirishga muhim hissa qo‘shmoqda. Milliy Majlisning Inson huquqlari bo‘yicha qo‘mitasi, Oila, xotin-qizlar va bolalar masalalari qo‘mitasi, shuningdek, boshqa tegishli qo‘mitalar tomonidan bolalarning axborot xavfsizligini ta’minlash, internet resurslaridan foydalanishni huquqiy tartibga solish, kiber muhitda yuzaga kelayotgan yangi muammolar va ularni bartaraf etish masalalari muntazam muhokama etilmoqda. Bugungi kunda axborot xavfsizligi nafaqat texnik yoki huquqiy masala, balki milliy xavfsizlik, inson huquqlari va kelajak avlodlar himoyasining muhim elementi hisoblanadi. Globallashgan dunyoda bolalar turli axborot ta’sirlariga duchor bo‘layotgani sababli davlat, oila va jamiyatning birgalikdagi harakati alohida ahamiyatga ega. qiladi Ozarbayjon davlati Prezident Ilhom Aliyev rahnamoligida axborot xavfsizligi sohasida zamonaviy chaqiriqlarga munosib javob beradigan siyosatni amalga oshirmoqda. Mazkur siyosatning asosiy maqsadi nafaqat raqamli rivojlanishni ta’minlash, balki bolalarning sog‘lom, xavfsiz va intellektual rivojlangan fuqarolar bo‘lib voyaga yetishi uchun qulay muhit yaratishdan iborat. Davlat institutlari, Milliy Majlis, Haydar Aliyev jamg‘armasi va fuqarolik jamiyatining bu boradagi hamkorlikdagi faoliyati Ozarbayjon kelajak avlodlarining xavfsiz va farovon rivojlanishiga xizmat qiladigan muhim kafolatlardan biridir Mehribon Valiyeva, Milliy Majlis deputati