Andijonda uyida qimor uyi tashkil qilgan shaxslar ushlandi (video)

Andijon viloyatining Jalaquduq tumanidagi turar-joylardan birida qimor uyi tashkil etib, tasodifiy oʻyinlar oʻynagan shaxslar qoʻlga olindi, deb xabar qildi IIV Vazirlik maʼlumotlariga koʻra, huquqni muhofaza qiluvchi organlar tomonidan oʻtkazilgan tezkor tadbir davomida Jalaquduq tumanida yashovchi shaxs oʻz uyida bir guruh fuqarolarni yigʻib, moddiy manfaat koʻrish maqsadida qimor va boshqa oʻyinlar uyushtirgani aniqlangan Tadbir davomida mazkur manzilda 28 dona o‘yin kartasi va qimor o‘yinlari to‘garagidan 740 000 so‘m naqd pul olinib, xolislar ishtirokida dalil sifatida rasmiylashtirildi Mazkur holat yuzasidan Jinoyat kodeksining 278-moddasi 1-qismi, qimor va boshqa tasodifiy o‘yinlarni tashkil etish va o‘tkazish bo‘yicha jinoyat ishi qo‘zg‘atilgan. Hozirda tergov harakatlari olib borilmoqda Avvalroq Toshkentning Olmazor tumanida o‘tkazilgan reyd davomida qimor uyi faoliyati to‘xtatilgan edi