Ilhom Abdurahmon: Ozarbayjon va Tojikistonni umumiy madaniy qadriyatlar birlashtiradi

Ozarbayjon va Tojikistonni o‘zaro hurmat va umumiy madaniy qadriyatlarga asoslangan do‘stona munosabatlar birlashtirib turadi Bu haqda Tojikistonning Ozarbayjondagi elchisi Ilhom Abdurahmon Bokuda Navro‘z bayramiga bag‘ishlangan “Chakan Fashion Show”da ma’lum qildi, deb xabar beradi “Report” Uning so‘zlariga ko‘ra, xalqaro Navro‘z bayrami xalqlarning boy ma’naviy-madaniy merosi sifatida tojiklar, ozarbayjonlar va boshqa qo‘shni davlatlar xalqlarini birlashtiradi "Qadimiy Navro‘z bayrami Ozarbayjonda milliy an’analar va mamlakatning boy madaniy merosining muhim qismi sifatida keng nishonlanadi. Shu bois bugungi tadbirning Ozarbayjonda o‘tkazilishi, qadimdan mintaqamiz xalqlarini birlashtirib kelayotgan mushtarak tarixiy-madaniy an’analarni aks ettirish biz uchun alohida ramziy ma’noga ega", - dedi u Tadbir Tojikistonning Ozarbayjondagi elchixonasi tashabbusi bilan bo‘lib o‘tdi Tadbir doirasida tojik dizaynerlari Xurshed Sattorov, Vais Asoyev va Sulxiya G‘ulomovalar Tojikistonning boy madaniy merosi va badiiy an’analarini aks ettiruvchi “Chakan”, “Nuri Badaxshon” va “Navoyi Xuroson” to‘plamlarini taqdim etdi Mehmonlarga, shuningdek, yetti turdagi taom va shirinliklardan iborat Navro‘z bayramining ajralmas qismi bo‘lgan tojiklarning an’anaviy madaniyati va oshxonasi elementlarini o‘z ichiga olgan “haft sin” va “haft shin” bayram dasturxoni tortildi Madaniy dastur doirasida Tojikiston va Ozarbayjon san’atkorlari, jumladan, Jahongir Zaripov, Xurshed Ibrohimzoda, Ozarbayjon xalq artisti Gulyanag Mammadovalar chiqish qildi. Shuningdek, Vusala Babayeva boshchiligidagi Boku xoreografiya akademiyasining va Karimzoda xonim boshchiligidagi Xazar universitetining raqs jamoalari namoyish etildi Tadbirda diplomatik missiyalar, xalqaro tashkilotlar, davlat muassasalari vakillari, deputatlar, madaniyat arboblari, shuningdek, Ozarbayjonda tahsil olayotgan tojikistonlik talabalar ishtirok etdi Ulardan foydalanishda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir