Ikki karra Olimpiya chempionining o'g'li Ozarbayjon terma jamoasida

Rossiyalik figurali uchuvchi Aleksandr Plyushenko Ozarbayjon terma jamoasi safida ishtirok etadi Bu haqda “RIA Novosti Sport” xabar berdi, deb yozadi “525.az”. Ma’lum qilinishicha, Rossiya figurali uchish federatsiyasi 21 may kuni bo‘lib o‘tgan yig‘ilishda yosh sportchining mamlakatini o‘zgartirishiga rozi bo‘lgan 13 yoshli Aleksandr kelasi mavsumdan boshlab Ozarbayjon sharafini xalqaro turnirlarda himoya qila oladi. Buning uchun u faqat Xalqaro konkida uchish ittifoqidan (ISU) maxsus ruxsatnoma olishi kerak Eslatib o‘tamiz, Aleksandr mashhur figurali uchuvchi, 2 karra Qishki Olimpiya o‘yinlari g‘olibi, 3 karra jahon va 7 karra Yevropa chempioni Yevgeniy Plyushenkoning o‘g‘lidir. Yevgeniy Plushenko ham bu masalaga izoh berdi: "Sasha Ozarbayjon sport fuqaroligini 5 yilga oldi. Ko'ramiz, bu qanday bo'ladi. U endigina 13 yoshda. U Rossiya terma jamoasida yo'q edi, bu mavsumda turli sabablarga ko'ra musobaqalarda qatnashmadi va shu tariqa karantin davrini bosib o'tdi. U hech kimning o'rnini bosmadi, mening shaxsiy akademiyada shug'ullandi"