ICESCO: Halol sanoati islom olami uchun ulkan iqtisodiy imkoniyatdir

Halol sanoati islom olami uchun ulkan iqtisodiy imkoniyatdir APA xabariga koʻra, bu haqda Islom olami taʼlim, fan va madaniyat tashkiloti (ICESCO) bosh direktori maslahatchisi Amira Elfadil Bokuda boʻlib oʻtgan Islom taraqqiyot banki (IDB) guruhining yillik yigʻilishlari doirasida tashkil etilgan “Halol iqtisodiyoti yetakchilari forumi”dagi chiqishida maʼlum qildi Uning soʻzlariga koʻra, ICESCO 54 aʼzo davlatni birlashtirgan va tashkilot yoshlar va ayollar uchun yangi imkoniyatlar yaratish va ularni mustahkamlash ustida ishlamoqda “Biz ICESCOning asosiy yo‘nalishlaridan foydalangan holda yoshlar va ayollarning imkoniyatlarini kengaytirish, ta’lim, madaniyat va ilm-fan sohalarida katta rol o‘ynash yo‘llarini o‘rganmoqdamiz”, deb ta’kidladi Amira Elfadil ICESCO rasmiysi so‘nggi yillarda tashkilot halol sanoatini rivojlantirishga alohida e’tibor qaratayotganini aytib, Ozarbayjonga ushbu muhim tadbirga taklif etilgani uchun minnatdorchilik bildirdi "Oxirgi to‘rt yil ichida biz halol sanoat sohasiga faolroq kirib keldik. Bu yo‘nalishda ICESCOda yetakchi o‘rin fan-texnika sohasiga tegishli. Biz ta'lim va madaniyat sohalari bilan hamkorlikda ishlaymiz", - dedi u Amira Elfadil halol sanoati nafaqat iqtisodiy, balki madaniy qadriyatlar bilan ham bog‘liqligini ta’kidladi. “Halol sanoatiga madaniy nuqtai nazardan qaraganimizda, bu soha musulmonlarning qadriyatlari va madaniyati asosida shakllanganini ko‘ramiz”, — deya qo‘shimcha qildi ICESCO bosh direktori maslahatchisi Shuningdek, u Islom taraqqiyot banki (ISTB) bilan hamkorlik qilish imkoniyatlariga to‘xtalib, ikki tashkilot o‘rtasida o‘zaro anglashuv memorandumi imzolanishi rejalashtirilayotganini ma’lum qildi “Asosiy loyihalardan biri halol sanoati imkoniyatlarini oshirish va rivojlantirish boʻyicha hamkorlikda ishlash”, - deydi Amira Elfadil Unga ko‘ra, 2022-yildan boshlab ICESCO tashkilotga a’zo mamlakatlarda halol sanoati bilan bog‘liq seminarlar, o‘quv dasturlari va ma’rifiy tadbirlarni o‘tkazmoqda. Tashkilot hukumatlar, xususiy sektor va nodavlat tashkilotlar bilan hamkorlikda halol sanoatini rivojlantirishga hissa qo‘shadi