Aholi daromadlarini oshirish bo‘yicha maxsus reja qabul qilindi

Qozog‘istonliklarning real daromadlarini oshirishga qaratilgan maxsus reja qabul qilindi. Bu haqda Milliy iqtisodiyot vazirining birinchi o‘rinbosari Azamat Amrin hukumatda o‘tkazilgan matbuot anjumanida ma’lum qildi. Hujjat oltita asosiy yo‘nalish bo‘yicha 59 ta chora-tadbirlarni o‘z ichiga oladi. Xususan, ish haqini oshirish, inflyatsiya darajasini pasaytirish, aholining kredit yukini kamaytirish, inson kapitalini rivojlantirish va sifatli ish o‘rinlarini ko‘paytirish rejalashtirilgan. Shu bilan birga, soliq va ijtimoiy siyosatni takomillashtirish bo'yicha kompleks ishlar amalga oshirilmoqda. Mutaxassislarning fikricha, rejadan ko‘zlangan asosiy maqsad nafaqat fuqarolarning daromadlarini oshirish, balki ularning xarid qobiliyati va ijtimoiy ahvolini yaxshilashdir. Shuningdek, byudjetdan moliyalashtiriladigan soha xodimlarining ish haqini oshirish hisobiga xususiy sektorda ish haqi miqdorini oshirish ko‘zda tutilgan Erdilda Tautenov, Iqtisodiy tadqiqotlar instituti boshqaruvi raisi o‘rinbosari: Mutaxassislarning ta’kidlashicha, aholi daromadini oshirish bilan birga kredit yukini kamaytirish ham muhim. Chunki bugungi kunda qozog‘istonliklarning banklar oldidagi qarzi 27,5 trillion tengega yetgan. Mutaxassislarning fikricha, daromadlarning o‘sishi va inflyatsiyaning sekinlashishi odamlarning kredit to‘lash qobiliyatini yaxshilaydi. Bu, o‘z navbatida, aholi farovonligini oshirishi, ichki iste’mol bozorining rivojlanishiga ijobiy ta’sir ko‘rsatishi zarur