Ozarbayjon fuqarolari Suriyadan qaytdi – TIV bayonoti

Ozarbayjon hukumati tomonidan 7, 9 va 11 iyun kunlari ko‘rilgan chora-tadbirlar natijasida Ozarbayjon Respublikasining 23 nafar fuqarosi (7 nafar ayol va 16 nafar bola) Suriyadan o‘z vataniga qaytarildi. Bu haqda Ozarbayjon Tashqi ishlar vazirligi xabar berdi Xabarda aytilishicha, repatriatsiya jarayonining dastlabki bosqichida Ozarbayjon Respublikasi repatriantlarining joylashuvi, shaxsi va fuqaroligi aniqlangan. Suriya va Turkiyadagi Ozarbayjon elchixonalari hamda Istanbuldagi Bosh konsullik muvofiqlashtirish ishlarini olib bordi; Ozarbayjon fuqarolariga “Ozarbayjon Respublikasiga qaytish guvohnomalari” va aviachiptalar taqdim etildi Xorijiy davlatlarda inqirozli vaziyatga tushib qolgan Ozarbayjon fuqarolarini vataniga qaytarish bo‘yicha mas’ul davlat organlaridan iborat ishchi guruh a’zolari Suriyaga jo‘natilib, repatriantlar birlamchi tibbiy-psixologik ekspertizadan o‘tkazildi Tashqi ishlar vazirligi “xorijiy davlatlar hududidagi qurolli toʻqnashuvlar qurboni boʻlgan Ozarbayjon Respublikasi fuqarolarini vataniga qaytarish boʻyicha zarur choralarni koʻrish davom etishini” taʼkidladi