Janubiy Sudanda yo'lovchi samolyoti halokatga uchradi! Hodisada omon qolganlar yo‘q

Janubiy Sudan poytaxti Juba yaqinida qulagan yo'lovchi samolyoti bortida bo'lgan 15 kishi hayotdan ko'z yumdi. Hodisada omon qolganlar yo‘q Janubiy Sudan fuqaro aviatsiyasi boshqarmasi (SSCAA) bayonotiga ko'ra, Cessna 208 Caravan tipidagi yo'lovchi samolyoti mahalliy vaqt bilan soat 09.15 da Yei shahridan Juba xalqaro aeroportiga yo'l oldi. Parvozdan yarim soat o‘tgach, havo harakatini boshqarish minorasi bilan aloqa uzildi Dastlab 14 deb e'lon qilingan qurbonlar, tekshiruvlardan so'ng yangilandi. Samolyotdagi barcha 14 yo‘lovchi va 1 uchuvchi halok bo‘lgani tasdiqlandi. Hayotini yo'qotganlardan 2 nafarining Keniya, 13 nafarining Janubiy Sudan fuqarolari ekanligi ma'lum qilindi Voqea joyiga yetib kelgan guruhlarning dastlabki xulosalariga ko‘ra, samolyot poytaxtdan taxminan 20 kilometr janubi-g‘arbda tog‘li va tumanli hududga qulagan. Ta'kidlanishicha, vayronalar olov ichida qolgan Rasmiylar halokatning aniq sabablarini tekshirish davom etayotganini ma'lum qildi. Dastlabki ma’lumotlarga ko‘ra, ko‘rishni qisqartirgan noqulay ob-havo sharoiti halokatga olib kelgan bo‘lishi mumkin