Qozog‘iston Energetika vazirligi rahbari: Ostona Rossiya gazining O‘zbekiston va Qirg‘izistonga tranzitini oshirishga tayyor

Ostona Rossiya gazining O‘zbekiston va Qirg‘izistonga tranzitini oshirishga tayyorligini bildirdi. Bu haqda Qozog‘iston parlamentida jurnalistlar savollariga javob berar ekan, energetika vaziri Erlan Akkenjenov ma’lum qildi, deb yozadi kapital.kz Vazirning soʻzlariga koʻra, hajmlarni oshirishga hech qanday texnik toʻsiqlar yoʻq, zarur infratuzilma allaqachon tayyorlab qoʻyilgan Akkenjenovning aytishicha, oʻtgan yili Rossiya gazining Qozogʻiston orqali Oʻzbekistonga tranziti 4 milliard kub metrdan, Qirgʻizistonga esa 500 million kub metrdan oshgan Vazir Rossiyadan O‘zbekistonga gaz tranziti oshishi mumkinligi haqidagi xabarlarga izoh berdi. Uning qayd etishicha, Qozog‘iston tranzit davlat sifatida bu muzokaralarda qatnashmaydi “Tasdiqlangan maʼlumotlarga ega emasman, chunki muzokaralar Oʻzbekiston va Rossiya tomonlari oʻrtasida”, - deya qoʻshimcha qildi Erlan Akkenjenov Ko'p yillar davomida Rossiya gazining eng yirik importchilari Evropa Ittifoqi mamlakatlari edi, ammo 2022 yilda Rossiyaning Ukrainaga to'liq bostirib kirishi boshlanganidan keyin sotib olish stavkalari bir necha bor kamaydi. Shu fonda Rossiya yoqilg‘i sotishning yangi usullarini izlamoqda Rossiya gazini Qozogʻiston hududi orqali Oʻzbekistonga yetkazib berish 2023-yil kuzida modernizatsiya qilingan Markaziy Osiyo – Markaz gaz tashish tizimi orqali teskari sxema ishga tushirilgandan soʻng boshlangan. Dastlab Rossiya va O‘zbekiston o‘rtasidagi shartnoma yiliga qariyb 2,8 milliard kub metr gaz yetkazib berishni nazarda tutgan bo‘lsa, keyinchalik hajmlar oshirildi Oʻzbekiston Markaziy Osiyodagi eng yirik gaz ishlab chiqaruvchilardan biri boʻlishiga qaramay, soʻnggi yillarda ichki isteʼmol va mavsumiy yoqilgʻi taqchilligiga duch kelmoqda. Talab ortib borayotgan bir sharoitda Toshkent Rossiya va Turkmanistondan gaz importini oshirmoqda, shu bilan birga energetika infratuzilmasini modernizatsiya qilish dasturlarini amalga oshirmoqda 2026-yil aprel oyida Rossiya va O‘zbekiston hukumatlari neft-gaz sohasida hamkorlikni kengaytirish, jumladan, Rossiya gazini yetkazib berish hajmini oshirishga kelishib oldilar. Xabar qilinishicha, Rossiya gazining O‘zbekistonga eksportini yiliga 11 milliard kub metrgacha oshirish imkoniyati muhokama qilinmoqda, bu esa Qozog‘istondagi tranzit infratuzilmasini kengroq jalb qilishni talab qiladi Azattyq Asia – Ozod Yevropa/Ozodlik radiosining Markaziy Osiyo bo‘yicha rus tilidagi bo‘limi, Ozodlik radiosi Azattyk Asia © 2026 RFE/RL, Inc. | Barcha huquqlar himoyalangan