Galatasaroy 26- Turkiya chempionligini qo'lga kiritdi

Turkiya Superligasida 33-tur uchrashuvlari bo‘lib o‘tdi. Istanbulning “Galatasaroy” jamoasi o‘z maydonida “Antalyaspor”ni qabul qildi va 4:2 hisobida g‘alaba qozondi Caliber.Az xabariga ko‘ra, g‘oliblar safida Mario Lemina (56-daqiqa), dubl qayd etgan Viktor Osimxen (66, 88) va Kaan Ayxan (90+5) gol urishdi. Mehmonlarning ikkala goliga ham Soner Dikmen mualliflik qildi (45+3, 62) Bu natija evaziga “Galatasaroy” 77 ochko jamg‘arib, yakuniga bir tur qolganda 26-chempionlik unvonini qo‘lga kiritdi Ikkinchi o‘rindagi “Fenerbahche” ham mehmonda “Konyaspor”ni 3:0 hisobida mag‘lub etib, uch ochkoga ega bo‘ldi. Fred dublga erishdi (13, 71), Archi Braun yana bir golga mualliflik qildi (56). 73 ochko bilan istanbulliklar chempionatda kumush medallarni kafolatladi Uchinchi o‘rin uchun kurashda “Trabzonspor” “Beshiktosh”ni mehmonda 2:1 hisobida mag‘lub etdi. Mezbonlar futbolchisi Orkun Kekju 14-daqiqada hisobni ochgan bo'lsa, oradan bir daqiqa o'tib Aleksandr Zubkov tenglikni tikladi. Ernest Muchi 62-daqiqada g‘alaba golini kiritdi Bu turdan keyin “Trabzonspor” 69 ochko bilan uchinchi, “Beshiktosh” esa 59 ochko bilan to‘rtinchi o‘rinda qolmoqda