Fransiya mudofaa maqsadida yangi yadroviy raketa ishlab chiqmoqda

Fransiya yangi gipertovushli raketani ishlab chiqmoqda. U mamlakatning yadroviy to'siqni, ya'ni mudofaa xavfsizligi tizimini mustahkamlash maqsadida tayyorlanmoqda Bu haqda UNIAN Fransiya mudofaa sanoatidagi manbalarga tayanib xabar berdi Tizim potentsial dushmanlarni harbiy hujumlardan to'xtatish uchun mo'ljallangan. Shu tariqa, Fransiya hukumati mamlakatning yangi avlod yadroviy to‘xtatuvchi tizimining bir qismi bo‘ladigan ASN4G gipertovushli raketasini yaratishga rasman kirishdi Ma`lumotlarga ko'ra, Frantsiya mudofaa xaridlari agentligi (DGA) raketani ishlab chiqish bo'yicha shartnomani Yevropaning eng yirik raketa ishlab chiqaruvchilardan biri MBDA kompaniyasiga topshirgan. Yangi raketa hozirda Fransiya armiyasining arsenalida bo‘lgan ASMPA-R raketalarini almashtirishi kerak Qayd etilishicha, ASN4G (Air-Sol Nucléaire de 4ème Génération) gipertovushli tezlikda harakatlana oladi va Fransiyaning havoga asoslangan yadroviy to‘xtatuvchi kuchini mustahkamlaydi. Raketani 2035 yilda qabul qilish rejalashtirilgan Xabar qilinishicha, yangi qurol Fransiyaning strategik havo kuchlari va yadroviy dengiz aviatsiyasi tomonidan qo‘llaniladi. ASN4G raketalari modernizatsiya qilingan Rafale F5 qiruvchi samolyotlari bilan birlashtirilishi kutilmoqda Ma’lumotlarga ko‘ra, gipertovushli texnologiya raketaga mudofaa tizimlarini osonroq yengib o‘tish imkonini beradi. Frantsiya Mudofaa vazirligi bu xususiyat o'zgaruvchan xavfsizlik muhitida mamlakat mudofaa strategiyasining ishonchliligini saqlab qolish uchun muhim deb hisoblaydi