Frantsiya Kaya Kallas vakolatlarini oshirishni taklif qildi

Fransiya Yevropa tashqi harakatlar xizmati (EEAS) va uning rahbari Kaya Kallas rolini kuchaytirishni taklif qildi Bu haqda “Reuters” agentligi 11 iyun kuni Bryusselda chop etilgan va Yevropa Ittifoqi rasmiylari va diplomatlarining pozitsiyasini aks ettiruvchi hujjatga tayanib xabar berdi Agentlik maʼlumotlariga koʻra, islohotlar boʻyicha uchta variant taklif qilingan. Birinchi ikkita variant tashqi siyosat vositalarini Yevropa Komissiyasi yoki Yevropa Ittifoqi Kengashi nazoratiga o'tkazishni nazarda tutadi Uchinchi variant kengroq institutsional islohot doirasida Kaya Kallas vakolatlarini oshirishni taklif qiladi Bunda Kallas Yevrokomissiyada “birinchi ijrochi vitse-prezident” maqomini oladi va bir qator sohalar, jumladan, tashqi aloqalar, savdo-iqtisodiy rivojlanish uchun masʼul komissar va departamentlar faoliyatiga rahbarlik qiladi Hujjatda qayd etilishicha, bu o‘zgarishlar Kallasning Yevrokomissiyadagi rolini sezilarli darajada kuchaytiradi. Hozirda u Komissiyaning olti nafar ijrochi vitse-prezidentlaridan biri bo'lib, bir qancha sohalarda vakolatlarni boshqa mansabdor shaxslar bilan taqsimlaydi