Qoraqalpog‘iston Vazirlar Kengashining sobiq raisi vafot etdi

Atoqli davlat, jamoat arbobi va mehnat faxriysi, hayoti va faoliyatini mamlakatimiz qishloq xo‘jaligini rivojlantirishga bag‘ishlagan Amin Hamroyevich Tojiyev 4-iyun kuni 79 yoshida vafot etdi.O‘zbekiston Prezidenti vafoti munosabati bilan hamdardlik bildirdi, deb xabar qildi Prezident matbuot kotibi Ma’lumot uchun, Amin Tojiyev 1947-yil 12-aprelda To‘rtko‘l tumanida tug‘ilgan. O‘rta maktabni tamomlab, Toshkent irrigatsiya va qishloq xo‘jaligini mexanizatsiyalash muhandislari instituti, hozirgi Toshkent irrigatsiya va qishloq xo‘jaligini mexanizatsiyalash muhandislari instituti Milliy tadqiqot universitetini muhandis-mexanik mutaxassisligi bo‘yicha tamomlagan Mehnat faoliyatini 1968 yilda To‘rtko‘l tumanidagi “Al-Xorazmiy” jamoa xo‘jaligida texnika xavfsizligi muhandisi sifatida boshlagan. Keyinchalik To‘rtko‘l, Ellikqal’a, Amudaryo tumanlarida mas’ul lavozimlarda ishlagan Kuchli tashkilotchilik qobiliyati bilan tanilgan Tojiyev Qoraqalpog‘iston Respublikasi Vazirlar Kengashi Raisi, Qishloq xo‘jaligi vaziri, O‘rmon xo‘jaligi boshqarmasi boshlig‘i, O‘zbekiston Davlat agrosanoat qo‘mitasi raisining birinchi o‘rinbosari kabi qator mas’ul lavozimlarda ishlagan Tojiyev 50 yildan ortiq mehnat faoliyati davomida og‘ir sharoitlarda Orolbo‘yining ijtimoiy-iqtisodiy rivojlanishiga hissa qo‘shgan, infratuzilma tarmoqlarini yaratish va aholi turmush darajasini oshirishga ko‘maklashgan Jumladan, u Tuyamoʻyin-Nukus-Taxtakoʻpir irrigatsiya tarmogʻi, koʻplab ijtimoiy-madaniy obʼyektlar qurilishida, suv tanqisligini bartaraf etishda faol ishtirok etdi Tojiyev nafaqaga chiqqanidan keyin ham Qoraqalpog‘istonning ijtimoiy hayotida faolligicha qoldi. Ekologik muhitni sog‘lomlashtirish, aholi uchun yanada qulay sharoit yaratish, keng ko‘lamli qurilish, obodonlashtirish va ko‘kalamzorlashtirish ishlarini amalga oshirish, keksa avlod manfaatlarini himoya qilish, yoshlarni Vatanga muhabbat va sadoqat ruhida tarbiyalashga qaratilgan loyihalardagi katta bilim va tajribasi bilan o‘rtoqlashdi Tojiyevning yurt ravnaqi yo‘lidagi xizmatlari davlatimiz tomonidan e’tirof etildi. “El-yurt hurmati”, “Doʻstlik” va “Mehnat shuhrati” ordenlari, Qoraqalpogʻiston Respublikasida xizmat koʻrsatgan mexanizator faxriy unvoni bilan taqdirlangan “Buyuk davlat va jamoat arbobi, yoshlarning mehribon ustozi, samimiy va kamtarin inson Amin Hamroyevich Tojiyev xotirasi qalbimizda hamisha saqlanib qoladi”, — deyiladi hamdardlik maktubida