Yevropa davlatlari ko'chmanchilar sababli Isroilga qarshi yangi sanksiyalar tayyorlamoqda

Bir qator Yevropa davlatlari, jumladan Fransiya, G‘arbiy Sohildagi ko‘chmanchilar faoliyati tufayli yaqin kunlarda Isroilga qarshi yangi sanksiyalar e’lon qiladi. Bu haqda Reuters Yevropa rasmiylariga tayanib xabar berdi Agentlik maʼlumotlariga koʻra, Yevropa Ittifoqida Isroilga nisbatan qatʼiyroq choralar boʻyicha yagona pozitsiya yoʻqligi sababli, davlatlar milliy darajada harakat qilishga qaror qilishdi “Isroilga nisbatan qattiqroq choralar koʻrishga qaratilgan saʼy-harakatlar Yevropa Ittifoqida toʻxtatilar ekan, bir qator davlatlar muvofiqlashtirilgan milliy sanksiyalar hozircha eng yaxshi variant degan xulosaga kelishdi”, — deyiladi materialda Qayd etilganidek, G‘arbiy Sohildagi zo‘ravonliklarga aloqador shaxslarga nisbatan sanksiyalar Fransiya tomonidan faol ravishda ilgari surilmoqda. Parij o'z rejalarini boshqa davlatlar, jumladan, Buyuk Britaniya va Norvegiya bilan muvofiqlashtirmoqda Frantsiya rasmiylari shu yo'l bilan AQSh va Eron o'rtasidagi mojaro, shuningdek, Isroilning Livandagi harbiy kampaniyasi fonida Falastin masalasini xalqaro kun tartibida saqlab qolmoqchi ekanliklarini aytdi May oyida Yevropa Ittifoqi Isroilning turar-joy qurish faoliyati doirasida G‘arbiy Sohilda falastinliklarning huquqlarini poymol qilishda ishtirok etgan bir qator shaxslar va tashkilotlarga qarshi sanksiyalar joriy etgan edi Isroilning Gʻarbiy Sohildagi turar-joy siyosati Isroilning xalqaro hamjamiyat va Falastin maʼmuriyati bilan aloqalaridagi asosiy masalalardan biri boʻlib qolmoqda. Falastinliklar buni Isroilning Falastin hududidagi mavjudligini mustahkamlash deb biladi