Ekologik islohotlar uchun yangi imkoniyatlar

Ko‘rgazma doirasida O‘zbekiston Respublikasi Prezidentining ekologiya bo‘yicha maslahatchisi, Ekologiya va iqlim o‘zgarishi milliy qo‘mitasi raisi Aziz Abduhakimov yetakchi xalqaro tashkilot va muassasalar rahbarlari bilan qator uchrashuvlar o‘tkazdi. Tomonlar biologik xilma-xillikni saqlash, iqlim o‘zgarishiga moslashish, yashil innovatsiyalarni joriy etish, ekologik ta’lim va barqaror iqtisodiy rivojlanish masalalarini muhokama qildilar Xalqaro tabiatni muhofaza qilish ittifoqi (IUCN) Bosh direktori Gretel Agilar bilan uchrashuvda bioxilma-xillikni saqlash, tabiatga asoslangan yechimlarni keng joriy etish, ekoturizmni rivojlantirish masalalari muhokama qilindi. Shuningdek, bioxilma-xillikning yangilangan milliy strategiyasi va Harakatlar rejasini ishlab chiqish, Markaziy Osiyo Qizil kitobini yaratish, transchegaraviy muhofaza qilinadigan hududlarni rivojlantirish bo‘yicha hamkorlik yo‘nalishlari belgilandi Birlashgan Millatlar Tashkilotining sanoatni rivojlantirish tashkiloti (YUNIDO) vakillari bilan o‘tkazilgan muzokaralarda yashil sanoatlashtirish, ekologik toza texnologiyalarni joriy etish, chiqindilarni samarali boshqarish, sanoat sohasini modernizatsiya qilish kabi masalalar muhokama qilindi. Tomonlar, shuningdek, iqlim innovatsiyalarini qo‘llab-quvvatlash, startaplarni rivojlantirish va iqlim barqarorligini ta’minlashga qaratilgan yangi loyihalarni amalga oshirish istiqbollarini ko‘rib chiqdilar Milliy geografiya jamiyati vakillari bilan O‘zbekiston va Markaziy Osiyoning noyob tabiiy merosini xalqaro miqyosda targ‘ib qilish, hamkorlikda ilmiy tadqiqotlar olib borish, hujjatli filmlar va raqamli kontent ishlab chiqarishga oid masalalar muhokama qilindi. Orolboʻyi, togʻ va choʻl ekotizimlarini oʻrganish boʻyicha qoʻshma ekspeditsiyalar tashkil etish tashabbusiga alohida eʼtibor qaratildi Ummon atrof-muhitni muhofaza qilish boshqarmasi rahbariyati bilan bo‘lib o‘tgan uchrashuvda cho‘llanishga qarshi kurashish, suv resurslarini boshqarish, biologik xilma-xillikni saqlash va chiqindilarni boshqarish bo‘yicha amaliy hamkorlik imkoniyatlari muhokama qilindi. Qurgʻoqchilikka chidamli oʻsimliklar yetishtirish va qumni barqarorlashtirish texnologiyalari boʻyicha hamkorlikda tadqiqot olib borish tashabbusi ilgari surildi Muhayyo Toshqorayeva, O‘zA