Elnur Soltanov: Amalga oshirilayotgan yangi loyihalar 1,5 mlrd. kubometr gazni tejash imkonini beradi

Ozarbayjonda amalga oshirilayotgan energetika loyihalari natijasida har yili taxminan 1,5 milliard kub metr tabiiy gazni tejash mumkin bo'ladi Bu haqda energetika vaziri o‘rinbosari Elnur Soltanov Bokuda bo‘lib o‘tgan “Texnovatsiyalar – barqaror iqtisodiy transformatsiya uchun ilm-fan va innovatsiyalar” mavzusidagi tadbirda ma’lum qildi, deb xabar beradi “APA-Economics” Unga ko‘ra, Ozarbayjon 2027-yilgacha 2 gigavatt qayta tiklanadigan energiya ishlab chiqarish quvvatini yaratadi E. Soltanov Mingachevir IESni modernizatsiya qilish va qayta tiklanuvchi energiya manbalaridan foydalanish bo‘yicha yangi loyihalarni amalga oshirish natijasida 1,5 milliard kub metrga yaqin tabiiy gaz chiqarilishini aytdi “Bu amalda yangi gaz konining ochilishiga teng”, - dedi vazir oʻrinbosari Uning so‘zlariga ko‘ra, mamlakatda elektr energiyasining asosiy qismi tabiiy gaz hisobiga ishlab chiqariladi. Qayta tiklanadigan energiya manbalari ulushini oshirish ham energetika xavfsizligini mustahkamlaydi, ham qo‘shimcha gaz hajmlarini eksport qilish imkonini beradi E.Soltanov yangi qayta tiklanuvchi energiya manbalarini elektr tarmoqlariga integratsiya qilish uchun qariyb 500 million AQSh dollari miqdorida sarmoya talab etilishini taʼkidladi. Biroq, amalga oshirilayotgan loyihalar iqtisodiy samaradorlikni ham, energiya xavfsizligini ham, ekologik maqsadlarni ham qo'llab-quvvatlaydi