Endilikda diplomatiya sohasida kamida 10 yil ishlaganlargina elchi etib tayinlanadi

Qirg‘izistonning xorijiy davlatlardagi elchisi bo‘lish uchun nomzod diplomatiya sohasida kamida o‘n yillik ish tajribasiga ega bo‘lishi kerak. Bu talablar prezident Sadir Japarov tomonidan 4 iyun kuni imzolangan “Qirg‘iziston Respublikasining diplomatik xizmati to‘g‘risidagi qonunga o‘zgartishlar kiritish haqida”gi qonunda yozilgan Unga ko‘ra, Qirg‘izistonning xorijdagi elchisi lavozimiga kamida 10 yillik tegishli ish tajribasiga ega bo‘lgan – diplomatik xizmat organlarida, prezident ma’muriyatining bo‘limlarida va xalqaro hamkorlik masalalariga xizmat ko‘rsatuvchi Jogorku Kenesh devonida ishlagan Qirg‘iziston fuqarolari tayinlanadi. Shu bilan birga, elchi lavozimiga mamlakat taraqqiyotiga hissa qo‘shgan fuqarolarning nomzodi prezidentga taklif qilinishi mumkin. Oʻzgartirishlarga koʻra, endi Qirgʻiziston tashqi ishlar vaziri konsullarni prezidentning ruxsati bilan tayinlaydi yoki ishga oladi. Bundan tashqari, prezident konsullik ustavini tasdiqlaydi va davlat organlarining tashqi siyosatdagi hamkorligi tartibini belgilaydi. Hujjatda diplomatik xodimlarning mas’uliyati ham kuchaytirilgan. Zarur hollarda diplomatik unvondan mahrum qilish imkoniyati ham nazarda tutilgan. Diplomatik xizmat to‘g‘risidagi qonunga kiritilgan o‘zgartirishlar diplomatiya sohasini takomillashtirish va kadrlarga qo‘yiladigan talablarni kuchaytirishga qaratilgani ta’kidlandi Qirg‘izistonning xorijdagi elchisi lavozimiga tegishli tajriba va kasbga ega bo‘lmagan shaxslarning tayinlanishi jamoatchilikda turli muhokamalarga sabab bo‘lmoqda. Ilgari muxolifatdagi siyosatchilar, hokimiyat almashishiga hissa qo‘shgani aytilgan jurnalistlar, deputatlar elchixonaga tayinlangan holatlar ko‘p bo‘lgan. (ZKo)