IIV: “So‘nggi qo‘ng‘iroq” kuni munosabati bilan o‘tkazilgan tadbirlarda jiddiy qonunbuzarlik holatlarining oldi olindi

Respublikamizdagi barcha ta’lim muassasalarida o‘tkazilgan “So‘nggi qo‘ng‘iroq” tadbirlari jamoat tartibi va xavfsizligini ta’minlash yuqori darajada ta’minlangan sharoitda yakunlandi IIV Matbuot xizmatining “Report”ga ma’lum qilishicha, Ichki ishlar vazirligining mutasaddi idoralari tomonidan oldindan tayyorlangan xavfsizlik rejasiga muvofiq, poytaxt va viloyatlarda ichki ishlar bo‘linmalari soni ko‘paytirilib, maktablar atrofida, bitiruvchilar ko‘p yig‘iladigan hududlarda xizmat kuchaytirilgan rejimda tashkil etilgan Ta’kidlanganidek, ichki ishlar organlari xodimlari tomonidan yo‘l harakati xavfsizligini ta’minlash, to‘xtash qoidalarini nazorat qilish hamda bitiruvchilar va boshqa fuqarolarning bemalol harakatlanishini tashkil etish yuzasidan zarur chora-tadbirlar ko‘rildi. Shu bilan birga, transport vositalarini boshqarish huquqiga ega bo‘lmagan shaxslar tomonidan boshqarilishiga qarshi profilaktik nazorat tadbirlari o‘tkazildi “Ko‘rilgan kompleks chora-tadbirlar natijasida “So‘nggi qo‘ng‘iroq” kuni munosabati bilan o‘tkazilgan tadbirlarda jamoat tartibini buzish, jiddiy qonunbuzarlik holatlarining oldi olinib, bitiruvchilar ushbu muhim kunni xavfsiz muhitda nishonladi Ichki ishlar vazirligi jamoat xavfsizligini ta’minlash, qonun hujjatlari talablariga rioya etish va ichki ishlar organlari xodimlari bilan hamkorlikda ko‘rsatayotgan yordami uchun ota-onalar, ta’lim jamoatchiligi, maktab xodimlari va fuqarolarga minnatdorlik bildiradi Shu bilan birga, vazirlik bitiruvchilarni hayotlarining ushbu muhim bosqichi bilan tabriklaydi va ularga kelgusidagi ta’lim va kasbiy faoliyatida muvaffaqiyatlar tilaydi”, — deya qo‘shimcha qildi u Ulardan foydalanishda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir