Diaspora raisi vatandoshlarimizga nisbatan firibgarlik qildi - JANJAL

Rossiyaning Ural viloyatidagi ozarbayjon diasporasi sobiq rahbari Vidadi Mustafoyevning jinoiy ishining tafsilotlari ma’lum bo‘ldi Tergov versiyasiga ko‘ra, u 3 ta firibgarlik epizodida ayblanmoqda, deb xabar beradi Modern.az. Vidadi Mustafoyev o‘zining tanishlari, jumladan, ozarbayjonlik vatandoshlaridan katta miqdorda pul olib, qaytarib bermaslik, shuningdek, “Porsche” rusumli avtomashinani o‘zlashtirishda gumon qilinmoqda. Vidadi Mustafoyevning himoyachilarining so‘zlariga ko‘ra, tergovda uning aybiga oid real dalillar yo‘q Yekaterinburgning Lenin tuman sudi Uraldagi ozarbayjon diasporasining sobiq rahbari Vidadi Mustafoyevga nisbatan jinoyat ishini ko‘rib chiqishni 9-iyun kuni boshlashni rejalashtirgan bo‘lsa-da, protsessual me’yorlar buzilgani uchun buni amalga oshira olmadi – ayblanuvchiga sud jarayoni boshlangani haqida o‘z vaqtida xabar berilmagan. Shu bois sud ehtiyot chorasi masalasini ko‘rib chiqdi va uning qamoq muddatini olti oyga uzaytirdi. Navbatdagi yig‘ilish 22 iyunga belgilangan Ayblov xulosasining yakuniy variantida Vidadi Mustafoyev uch epizodda (Rossiya Federatsiyasi Jinoyat kodeksining 159-moddasi 3 va 4-qismlari) firibgarlik bo‘yicha ayblangan Jinoyat ishi uch jabrlanuvchi - dastlab ozarbayjonlik Novruz Sadatov, keyinroq Andrey Pankratov va Farid Boliyevning Sverdlovsk viloyati Ichki ishlar bosh boshqarmasining Uyushgan jinoyatchilikka qarshi kurash bo‘limiga arizasidan so‘ng qo‘zg‘atilgan. Ularning har biri Vidadi Mustafoyevning katta miqdorda qarzi borligidan shikoyat qilgan Shu tariqa, 2025-yilda o‘zi hamkorlikda bo‘lgan Novruz Sadatov Vidadi Mustafoyevga Gruziyadan 5 million rublga Porsche rusumli avtomobil sotib olishni taklif qiladi. U rozi bo‘lib, mashina pulini keyinroq to‘lashini aytdi. Navruz Sadatov avtomashinani Vidadi Mustafoyevning onasi nomiga rasmiylashtirgan, biroq pulni ololmagan. To‘lov muddati tugagach, ayblanuvchi utilizatsiya uchun to‘lov yuqori bo‘lgani uchun hozir mashinani sotishga arzimasligini aytdi. Ayblovga ko‘ra, ayblanuvchi bojdan qochish uchun mashinani yo hozir qimmatga sotishni yoki bir yildan so‘ng sotishni taklif qilgan. Himoyaga ko‘ra, Vidadi Mustafoyevning o‘zi jabrlanuvchiga mashinani qaytarib berishga tayyor bo‘lgan. Shundan so‘ng, Novruz Sadatov Vidadi Mustafoyevning samolyot chiptalari, restoranlari, kalyanlari va boshqa harajatlari uchun 5 million rubl qarzi borligini ko‘rsatib, ariza yozgan. Bundan tashqari, tergov "Porsche"ning qiymatini 10 million rublga baholagan Navruz Sadatovning o‘zi jinoiy ishda ayblanmoqda. Tergov versiyasiga ko‘ra, u Ukrainada jang qilayotgan rossiyalik askarlarga zarur buyumlarni yetkazib berish uchun “Jamoatchilik nazorati qo‘mitasi” jamoat tashkilotidan mototsikl olib ketgan. Biroq, Vidadi Mustafoyevning himoyasiga ko‘ra, u mototsiklni sotib, pulni o‘zida saqlab qolgan Ma’lum qilinishicha, Farid Boliyev o‘z raqobatchilarini biznesdan uzoqlashtirish maqsadida xususiy tadbirkordan olgan mablag‘larini o‘zi huquq-tartibot idoralarining yuqori lavozimli xodimi hisoblangan Vidadi Mustafoyevga bergan. Keyinchalik, tergov versiyasiga ko'ra, ayblanuvchi pullarni o'z manfaatlari yo'lida ishlatib, kelishuv shartlarini bajarmagan. Natijada u Farid Boliyevdan 700 ming rubldan ortiq qarzdor bo‘lib qolgan Sudga ko‘ra, yaqinda Farid Boliyev boshqa jinoiy ish bo‘yicha sudlangan. Himoyachi Vidadi Mustafoyevning da’vo qilishicha, yuzma-yuzlashuvlar chog‘ida huquq-tartibot idoralari xodimlari uni ayblanuvchiga nisbatan yolg‘on ko‘rsatma berishga majburlaganini, buning evaziga shartli jazo tayinlanishini tan olgan Vidadi Mustafoyev o‘z aybini tan olmadi. Uning advokatlari tergovda haqiqiy dalil yo'q, deb hisoblashadi Vidadi Mustafoyev 2025-yil 1-sentabrda Uraldagi ozarbayjon diasporasi rahbari bo‘ldi. Ungacha bu lavozimni keyinchalik jinoiy ish doirasida hibsga olingan Shahin Shixlinskiy egallab kelgan (aprel oyida Yekaterinburgning Kirov tuman sudi uni 24 yilga qattiq jazoga hukm qilgan edi). Shixlinskiy hibsga olinganidan to‘rt oy o‘tib, Vidadi Mustafoyev ham hibsga olingan. Hibsga olinganidan keyin ozarbayjon diasporasi rahbari etib Rossiya huquq-tartibot idoralarining sobiq hamkasbi polkovnik Karim Gasimov saylangan