Qarshi shahar hokimi o‘rinbosari yig‘ilish chog‘ida xodimlarni haqorat qilmoqda

Qashqadaryo viloyati Qarshi shahar hokimining birinchi o‘rinbosari Nurbek Turdiyev yig‘ilish chog‘ida xodimlarni og‘zaki haqorat qildi. Mazkur holat yuzasidan QALAMPIR.UZ’ga videomurojaat kelib tushdi Murojaatda Turdiyev onlayn yig‘ilishga kech qo‘shilgan xodimni haqoratomuz so‘zlar bilan kamsitgan va haqorat qilgan "O'zingni kim deb o'ylaysan? O'zingni qadrsizsan. Hatto mening darajamga ham yaqinlashmading. Hech narsaga arzimaydi", - deydi Turdiyev Shuningdek, u boshqa xodimga nisbatan o‘ta qo‘pol so‘z ishlatgan Murojaatda, shuningdek, hokim o‘rinbosari tomonidan xodimlarni bir necha bor haqorat qilgani va ayrim xodimlarni tegishli asoslarsiz ishdan bo‘shatgani aytilgan “Nafaqat men, balki shahar hokimligining koʻplab xodimlari ushbu mansabdor shaxs, Qarshi shahar hokimining oʻrinbosari tufayli jabr koʻrdi.U bir qancha xodimlarni qonunga xilof ravishda ishdan boʻshatdi.Sudlar ularni oʻz lavozimiga tiklash toʻgʻrisida qaror chiqargan boʻlsa-da, shahar hokimligi bu qarorlarga amal qilmayapti.Mansabdor shaxslarning sudga chaqirilgan vaqtida kelmagani holatlari ham boʻlgan.Hatto bir yildan buyon bu muammolar yuzasidan tegishli choralar koʻrilmagan. Ma’muriyatga amaliy ta’sir ko‘rsatish qiyin, chunki ba’zi mansabdor shaxslar aralashib qolishsa, o‘z lavozimlarini yo‘qotishdan qo‘rqishadi”, dedi shikoyatchi Shikoyatchi, shuningdek, yaqinda shahar hokimligi xodimlaridan biri pora olayotgan paytda qo‘lga olinganini, biroq keyinchalik jarima to‘lab, javobgarlikdan qutulib qolganini aytdi "Yaqinda shahar hokimligi xodimlaridan biri pora olayotgan paytda qoʻlga olingani haqida xabarlar paydo boʻldi. Biroq, eshitganimizdek, u keyinchalik jarima yoki tovon toʻlab, javobgarlikdan qochgan. Bunday nohaqliklarga bardosh bera oladigan, vaziyatni xolis baholay oladigan tashkilot bormi? Respublika miqyosidagi taftish guruhlari koʻpincha “muammolar yoʻq” degan xulosa bilan chiqib ketishadi, maʼmuriyat ichida esa umuman boshqacha." Bir qancha xodimlar aybsiz bo‘lishiga qaramay ishdan bo‘shatildi. Shuningdek, sud qarorlari bilan o‘z faoliyatini tiklash to‘g‘risida qaror qabul qilingan fuqarolarning amalda ishga qaytishiga ruxsat berilmagani haqida ham ma’lumotlar bor. Ma’muriyat sud qarorlarini bajarmasa, bu qonun ustuvorligi tamoyiliga zid emasmi? Zero, davlat organlari jamiyatga o‘rnak bo‘lishi kerak Xodimlarga nisbatan munosabat ba’zi amaldorlar davlat muassasasini xuddi o‘zlarining shaxsiy mulkidek boshqarayotgandek taassurot uyg‘otadi. Hech qanday lavozim hech kimga meros bo'lib o'tmaydi. Davlat muassasalarida qonun, adolat va insonparvarlik hukm surishi kerak Menimcha, bu masalani faqat milliy darajadagi vakolatli organlar xolis va adolatli baholab, tegishli choralar ko‘rishi mumkin”, — dedi shikoyatchi QALAMPIR.UZ jurnalisti vaziyatga oydinlik kiritish va rasmiy javob olish maqsadida shahar hokimligi matbuot xizmati bilan bog‘landi. Biroq voqea haqida so‘ralganda, mas’ul mutasaddi hech qanday izoh va tushuntirish bermasdan qo‘ng‘iroqni tugatdi. Keyinroq jurnalist yana qo‘ng‘iroq qilganida ma’muriyat vakillari qo‘ng‘iroqlarga javob bermagan Avvalroq Andijon viloyati Asaka tumani hokimi Nasibillo Mo‘minovning ovozi aks etgan audioyozuv keng tarqalib, jamoatchilikda qizg‘in muhokamalarga sabab bo‘lgan edi