16 yoshga to‘lgan o‘g‘il bolalarning ma’lumotlari avtomatik ravishda harbiy xizmatga olinadi (video)

O‘zbekistonda 16 yoshga to‘lgan va shaxsiy guvohnoma olgan o‘g‘il bolalar to‘g‘risidagi ma’lumotlar Ichki ishlar vazirligi axborot tizimidan olinib, avtomatik tarzda harbiy hisoblarga kiritiladigan tartib joriy etiladi. Bu haqda Mudofaa vaziri Shuhrat Xolmuhammedov “Axborot 24” dasturida ma’lum qildi Prezident Shavkat Mirziyoyev 8-iyun kuni mudofaa sohasiga oid bir qancha masalalarga bag‘ishlangan taqdimotni ko‘rib chiqdi. Taqdimotda mudofaa ishlari organlari faoliyatiga “nol byurokratiya” tamoyilini joriy etish maqsadida harbiy ro‘yxatga olish, tibbiy komissiyalar va chaqiruv komissiyalarini raqamlashtirish bo‘yicha takliflar bildirildi Taklifga ko‘ra, 16 yoshga to‘lgan va shaxsiy guvohnoma olgan o‘g‘il bolalar to‘g‘risidagi ma’lumotlar Ichki ishlar vazirligining axborot tizimidan olinadi va ularni harbiy xizmatga avtomatik tarzda ro‘yxatdan o‘tkazish tartibi joriy etiladi Shu bilan birga, mudofaa ishlari bo‘limlarida tibbiy komissiyadan o‘tish tartibi ham bekor qilinadi. Barcha tibbiy ko‘rik jarayonlari tuman va shahar markaziy ko‘p tarmoqli poliklinikalarida o‘tkazilishi rejalashtirilgan Mudofaa vazirining soʻzlariga koʻra, ushbu takliflarning amalga oshirilishi fuqarolarga raqamli xizmatlarning shaffofligini taʼminlaydi va ortiqcha byurokratiya va noqulayliklarga chek qoʻyadi Prezidentimiz barcha takliflarni ma’qullab, bu boradagi ishlarni jadallashtirish bo‘yicha qator topshiriqlar berdi Avvalroq O‘zbekistonda Havo hujumidan mudofaa qo‘shinlari va Harbiy havo kuchlari qo‘mondonligi negizida Harbiy havo kuchlari jangovar qo‘mondonligi tashkil etilishi xabar qilingandi