Yana bir davlat Rossiyaga energetika qaramligiga barham berdi

Qozog‘iston 2027 yildan boshlab Rossiyadan elektr energiyasi import qilishdan bosh tortishi mumkin Bu haqda Qozog‘iston energetika vaziri o‘rinbosari Sungat Yesimxonov ma’lum qildi, deb yozadi Modern.az Unga ko‘ra, mamlakatda energetika kuchlarining rivojlanishi natijasida energiya balansidagi taqchillik bosqichma-bosqich bartaraf etilmoqda. Hozirda Qozog‘istonda elektr energiyasi ishlab chiqarish va talab o‘rtasidagi tafovut joriy yilda taxminan 1-1,2 milliard kilovatt/soat bo‘lishi prognoz qilinmoqda. 2027 yilgacha bu ko'rsatkichni nolga tushirish rejalashtirilgan Yesimxonovning qo‘shimcha qilishicha, 2024-yilda mamlakatda elektr energiyasi taqchilligi 2,1 milliard kilovatt-soatni tashkil etgan bo‘lsa, o‘tgan yili bu ko‘rsatkich 1,5 milliard kilovatt-soatga yaqin bo‘lgan Ma'lumotlarga ko'ra, Rossiyaning "Inter RAO" kompaniyasi 2026 yilning yanvar-mart oylarida elektr energiyasi eksportini 5,8 foizga oshirib, 2,12 milliard kilovatt/soatga yetgan. Eksportning asosiy qismi Qozog'iston va Gruziyaga to'g'ri keladi Shu davrda elektr energiyasi importi 3,7 foizga kamayib, 520 million kilovatt/soatni tashkil etdi. Kompaniyaning joriy yilning birinchi choragidagi daromadi 34,9 foizga oshib, 18,5 milliard rublni tashkil qildi. Eksportdan tushgan daromad 43,3 foizga oshib, 11,5 milliard rublni tashkil etdi