Germaniya bilan hamkorlik mustahkamlanmoqda

Forumda Germaniyaning yetakchi kompaniya va tashkilotlari vakillari, Germaniya iqtisodiyotining Markaziy Osiyodagi rasmiy vakolatxonasi – GIC Uzbekistan (German Industry and Commerce MChJ) xodimlari, delegatsiya boshchiligida ishtirok etdilar Navoiy viloyati hokimi Normat Tursunov Germaniyadan kelgan delegatsiya bilan uchrashib, mehnat migratsiyasi sohasida hamkorlikni rivojlantirish, aholini zamonaviy, talab yuqori bo‘lgan kasblarga o‘rgatish, malaka oshirish tizimini takomillashtirish, Germaniya mehnat bozori uchun raqobatbardosh mutaxassislar tayyorlash masalalarini muhokama qildi Ta’lim sohasida ikki tomon o‘rtasidagi aloqalarni kengaytirish, qo‘shma dasturlarni amalga oshirish, ta’lim muassasalari va ish beruvchilar o‘rtasidagi hamkorlikni mustahkamlash, xalqaro standartlarga mos kadrlar tayyorlash yuzasidan fikr almashildi Uchrashuvda tomonlar oʻzaro manfaatli hamkorlikni kengaytirish, qoʻshma taʼlim loyihalarini yoʻlga qoʻyish, tashabbuslarni amalga oshirishga kelishib oldilar Forum doirasida Germaniyaning 12 ta kompaniyasi, Navoiy viloyatidagi 27 ta texnikum, Navoiy davlat universiteti, oʻquv markazlari vakillari bilan B2B uchrashuvlari oʻtkazildi Tomonlar kadrlarni kasbiy tayyorlash, ta’lim dasturlarini xalqaro standartlar asosida takomillashtirish, amaliy mashg‘ulotlar hajmini oshirish, o‘qituvchilar malakasini oshirish, talabalar uchun amaliy mashg‘ulotlar tashkil etish masalalarini muhokama qildilar Hamkorlikni yoʻlga qoʻyish boʻyicha dastlabki kelishuvlarga erishildi, ikki tomonlama memorandum imzolandi Migratsiya agentligining Navoiy viloyati bo‘limida Germaniya kompaniyalari vakillari bilan nemis tilini bepul o‘rganayotgan yoshlar o‘rtasida uchrashuv bo‘lib o‘tdi. Unda nemis tilini o‘rganayotgan boshqa fuqarolar, xalqaro til sertifikatlari egalari hamda Germaniyada o‘qish yoki ishlashni xohlovchilar ham ishtirok etdi Germaniya kompaniyalari vakillari o‘z tashkilotlari faoliyati, mehnat bozori ehtiyojlari, ishga qabul qilish tartib-qoidalari va kasbiy ta’lim dasturlari haqida ma’lumot berdilar Delegatsiya aʼzolari “Navpromlitmash” korxonasida boʻlib, u yerda joriy etilgan dual taʼlim tizimi va uning amaliy natijalari bilan yaqindan tanishdilar