Toshkentda Bo‘zsuv kanali bo‘yida ekologik bog‘ qurilishi boshlandi

Toshkent shahrining Uchtepa tumanidagi Bo‘zsuv kanali bo‘yida ekologik mavzudagi yirik istirohat bog‘i loyihasi ishga tushirildi. Bu haqda Toshkent shahar hokimi Shavkat Umurzoqov aholi bilan uchrashuvda ma’lum qildi Ma’lumotlarga ko‘ra, loyiha kanal qirg‘og‘ining uch kilometrdan ortiq qismini qamrab oladi. Uning asosiy maqsadi mavjud tabiiy muhitni saqlab qolgan holda aholi uchun zamonaviy dam olish va sport inshootlarini yaratishdan iborat Loyiha doirasida piyodalar va velosiped yo‘llari, bolalar maydonchalari, sport zonalari, dam olish maskanlari va jamoat joylari mavjud. Shuningdek, kanal bo‘ylab xavfsizlik panjaralari va yoritish tizimlari o‘rnatiladi, piyodalar ko‘prigi quriladi. Ko‘prik yaqin atrofdagi bir qancha mahallalarni bog‘lashi kutilmoqda Loyihaning o‘ziga xos xususiyatlaridan biri yovvoyi qushlar va boshqa hayvonlar uchun maxsus ekologik orollar yaratishdir. Bundan tashqari, suv sportini ommalashtirish maqsadida baydarka va kanoeda eshkak eshish uchun alohida hududlar ajratiladi. Shuningdek, maxsus baliq ovlash zonalari yaratiladi Mutasaddilarning aytishicha, hududdagi daraxt va butalar saqlanib qoladi, qo‘shimcha ko‘chatlar ekiladi. Tabiiy landshaft va hayvonot dunyosini muhofaza qilish loyihaning asosiy tamoyillaridan biridir Toshkent hokimi daraxtlarni kesishga yo‘l qo‘yilmasligini va bu masala shahar hokimligi va atrof-muhitni muhofaza qilish idoralari nazoratida qolishini aytdi. Uning so‘zlariga ko‘ra, loyiha ustida ish allaqachon boshlangan Avvalroq O‘zbekistonda milliy va mahalliy ijro etuvchi hokimiyat organlarining ekologik faoliyatini baholashning yangi reyting tizimini joriy etish rejalashtirilayotgani haqida xabar berilgan edi