Chuyda sodir bo‘lgan dahshatli yo‘l-transport hodisasida ikki kishi halok bo‘ldi

8 iyun kuni Bishkek-Qora-Balta trassasida sodir bo‘lgan YTHda ikki kishi halok bo‘ldi. Chuy viloyati yo‘l harakati xavfsizligi boshqarmasi ma’lumotlariga ko‘ra, Kia K5 rusumli avtomashinaning 24 yoshli haydovchisi yo‘lning 16-kilometrida g‘arbdan sharqqa qarab ketayotib, rulni boshqara olmay, daraxtga borib urilgan. Hodisa oqibatida haydovchi va mashinada bo‘lgan yana bir 21 yoshli yo‘lovchi voqea joyida vafot etgan Hodisa sabablarini aniqlash maqsadida tegishli ekspertizalar tayinlanib, tergovga qadar tekshiruv tadbirlari o‘tkazilmoqda Ijtimoiy tarmoqlarda baxtsiz hodisa aks etgan video tarqalmoqda. Ko'rinib turibdiki, mashina bir necha qismlarga sochilib ketgan va spidometr soatiga 240 kilometr tezlikda to'xtagan So‘nggi yillarda Qirg‘izistonda ko‘plab yo‘l-transport hodisalari qayd etilgan. 14 may kuni Qashqa-Suv qishlog‘idan Bishkek shahriga ketayotgan “Honda Torneo” rusumli avtomashina yo‘l chetida turgan 28 yoshli ayolni 6, 4, 2 yoshli bolalari va uning 14 yoshli singlisi bilan bosib ketdi, besh nafari ham halok bo‘ldi. Kelin olti oylik homilador edi. YTHda gumon qilingan 22 yoshli haydovchi qo‘lga olindi 30-may kuni Bishkek—O‘sh yo‘lining 178-kilometrida (tahr.: Suusamir) janubdan shimolga qarab harakatlanayotgan Honda Civic rusumli avtomashinaning 30 yoshli haydovchisi uxlab qolib, qarama-qarshi chiziqdan kelayotgan Kia K7 avtomobili bilan to‘qnashib ketgan. YTHda oila a’zolari, 3, 11 va 13 yoshli bolalar hamda yana 22 yoshli shaxs halok bo‘lgan Rasmiy maʼlumotlarga koʻra, 2025 yilda Qirgʻizistonda 8456 ta yoʻl-transport hodisasi sodir boʻlgan, 900 kishi halok boʻlgan. Yana 12 ming 169 kishi jarohatlangan. Aytilishicha, avtohalokatlarning asosiy sabablari avtomobilni tez haydash, qarama-qarshi bo‘lakni kesib o‘tish, spirtli ichimliklar ichish va haydash, ayrim avtomobil yo‘llarining talabga javob bermasligi kabilardir. (BTo)