Uralskda to‘rt nafar ayol qo‘lbola liftdan yiqilib, jarohat oldi

Uralskda to‘rt nafar ayol qo‘lbola ko‘taruvchi mexanizmdan yiqilib, jarohat oldi, deb xabar bermoqda “Mening shahrim” Hodisa 16 aprel kuni avtosalon binosida sodir bo‘lgan. G‘arbiy Qozog‘iston viloyati Favqulodda vaziyatlar boshqarmasi xabariga ko‘ra, yer va ikkinchi qavatlar o‘rtasida harakatlanish uchun foydalaniladigan yuk ko‘taruvchi mexanizmning simi uzilib ketgan "Bo‘lim xodimlari voqea joyiga borib, jabrlanganlarga birinchi tibbiy yordam ko‘rsatib, tez yordam mashinasiga ortishda yordam berishdi. Turli tan jarohatlari olgan ayollar shahar ko‘p tarmoqli shifoxonasiga yotqizildi", - deya xabar beradi FVV matbuot xizmati Davlat mehnat nazorati qo‘mitasining viloyat boshqarmasi 24 apreldan buyon tekshiruv ishlari olib borilayotgani, oy oxirigacha yakunlanishi kerakligini ma’lum qildi Huquqshunos Ilyos Sarsengaliev “Ural Week” nashriga bergan intervyusida jabrlanganlar allaqachon shifoxonadan chiqarilgani va uyda davolanishni davom ettirayotganini aytdi "Umurtqa miya jarohati olganlar yotib, yura olmayapti. Ish beruvchi ularga hech narsa toʻlamagan. Mehnat inspektsiyasining tekshiruv natijalarini kutyapmiz. Ayollarga tovon puli toʻlanishi kerak", - deydi u Avtomobil sotuvchisi vakilining aytishicha, qurilma lift emas va odamlarni tashish uchun mo‘ljallanmagan. Uni ushbu maqsadlarda ishlatish qat'iyan man etiladi. Jabrlanganlarning liftda bo‘lish sabablari tegishli organlar tomonidan o‘rganilmoqda Agar matnda xato topsangiz, uni sichqoncha bilan belgilang va Ctrl+Enter tugmalarini bosing Agar siz smartfoningizdagi matnda xato topsangiz, uni belgilang va “Xato haqida xabar berish” tugmasini bosing