BMU Xitoy universiteti bilan hamkorlikda talabalarni qabul qiladi

Boku muhandislik universitetida (BMU) yangi xalqaro ta’lim loyihasi ishga tushirildi Modern.az saytining xabar berishicha, PKTU-BMU muhandislik fakulteti BMU va Xitoy Xalq Respublikasining yetakchi oliy ta’lim muassasalaridan biri bo‘lgan Pekin Kimyo-texnologiya universiteti (PKTU) o‘rtasidagi qo‘shma hamkorlik doirasida tashkil etilgan. Fakultetga talabalarni qabul qilish joriy yildan boshlab amalga oshiriladi Ma’lumotlarga ko‘ra, fakultetning asosiy afzalliklaridan biri xalqaro ikki tomonlama diplom dasturidir. Yuqori akademik ko'rsatkichlarga ega bo'lgan talabalar uch yil Ozarbayjonda va bir yil Xitoyda o'qishni davom ettirib, BMU va PKTU diplomlarini olish imkoniyatiga ega bo'ladilar Yangi fakultetda informatika, kimyo, biotexnologiya va mashinasozlik yo‘nalishlari bo‘yicha mutaxassislar tayyorlanadi. O‘quv jarayoni har ikki oliy ta’lim muassasasining yuqori malakali professor-o‘qituvchilari ishtirokida tashkil etiladi Talabalar qo‘shma ilmiy loyihalarda ishtirok etishlari, akademik almashinuv dasturlaridan foydalanishlari, innovatsion texnologiyalar bilan ishlashlari va xalqaro ilmiy muhitda tajriba orttirishlari mumkinligi ma’lum qilindi Ta’kidlash joizki, yangi fakultetning tashkil etilishi Ozarbayjon va Xitoy o‘rtasida oliy ta’lim sohasidagi hamkorlikni rivojlantirishga xizmat qilmoqda va talabalarning xalqaro standartlarga mos muhandislik ta’limini olishi, ilmiy va innovatsion faoliyatda ishtirok etishi uchun keng imkoniyatlar yaratmoqda PKTU-BMU muhandislik fakultetining ochilishi kelajak texnologiyalarini o‘zlashtirish va jahon mehnat bozorida raqobatbardosh mutaxassislarni tayyorlash nuqtai nazaridan katta ahamiyatga ega