Bishkekning ikki vitse-meri o‘zgardi

Bishkek shahar hokimining ijtimoiy masalalar bo‘yicha o‘rinbosari Viktoriya Mozgacheva hamda shahar hokimining yerdan foydalanish, arxitektura, qurilish, raqamlashtirish, transport va yo‘l infratuzilmasi bo‘yicha o‘rinbosari Azamat Qodirov boshqa ishga o‘tgani munosabati bilan egallab turgan lavozimidan ozod etildi Hokimlik maʼlumotlariga koʻra, Viktoriya Mozgacheva oʻrniga shahar hokimining ijtimoiy masalalar boʻyicha vaqtincha oʻrinbosari lavozimiga Rahat Musaeva tayinlangan. Azamat Qodirov o‘rniga esa Muratbek Atay shahar hokimining yerdan foydalanish, arxitektura, qurilish, raqamlashtirish, transport va yo‘l infratuzilmasi masalalari bo‘yicha vaqtincha o‘rinbosari bo‘ldi Ulardan tashqari taʼlim boshqarmasi boshligʻi oʻzgardi, hokimning farmoyishi bilan Janibek Oʻrozaliev Xalq taʼlimi boshqarmasi boshligʻi etib tayinlandi Ayrim OAVlar Bishkekning Lenin va Birinchi May tumanlari hokimlarining ijtimoiy masalalar bo‘yicha o‘rinbosarlariga nisbatan rasmiy tekshiruvlar o‘tkazilayotgani, deputatlar vaqtincha egallab turgan lavozimlaridan chetlashtirilgani haqida xabar tarqatgan. Shahar meriyasi bu maʼlumotni na tasdiqladi, na inkor etdi Bishkek merining besh nafar o‘rinbosari bor Avvalroq 1-iyun bolalarni himoya qilish kunini tashkil etishda yo‘l qo‘ygan xatosi uchun shahar vitse-meri Viktoriya Mozgachevaga tanbeh berilgan, Bishkek shahar meriyasining Madaniyat boshqarmasi boshlig‘i Nazgul Mekeshovaga tanbeh, Madaniyat boshqarmasi boshlig‘i o‘rinbosari Urmat Belekboyev esa lavozimidan ozod etilgan edi. (ZKo)